DILI, STLTIMORLESTE.com – Hahu loron 25 too 02 fulan November no Dezembru tinan nee Autoridade Protesaun Sivil (APC – sigla português) rejistu kazu dezastre naturais hamutuk 6, no ema neebe afetadu 38 no nain ida (1) mate.
“Ita rejistu kazu dezastre naturais hamutuk 6, ema neebe afeitadu 38 no nain 1 mate,” hatete Xefe Seksaun Relasaun Externa iha APC Nasionál, Nelson Nunes de Orleans ba jornalista sira liu husi konferensia Imprensa, Segunda (02/12/2024).
Anin tuir Nelson katak, sobu komunidade nia uma ida iha Munisípiu Aileu, Munisípiu Bobonaro anin sobu uma ida no sidadun nain ida mate,nomos Munisípiu Dili Anin sobu uma ida no bee sae uma rua, Munisípiu Ermera anin sobu uma ida.
Tanba nee Komando APC Munisipiu ho parseiru relevante sira fornese asistensia emerjensia ba familia afeitadu sira neebe sai vitima ba dezastre naturais.
Iha fatin seluk, Reprezentante Prezidente Autoridade Munisipiu (PAM) Ainaro, Ruivo Barros Magno esposa katak, iha Munisipiu Ainaro akontese dezastre naturais iha postu 4, maibe hetan ona apoia emerjensia husi APC no Administrasaun Munisípiu Ainaro nian.
Nunee mos vitima ba Dezastre Naturais, Olinda Moniz esplika, sira nia uma sobu iha semana kotuk maibe hetan ona apoiu emerjensia husi Governu.
(jen)
