DILI, STLTIMORLESTE.com – Ekipa Embaixada Timor Leste iha Korea do Sul halao vizita ba Trabalhador Timoroan sira iha Ilha Sejodo, hodi hasoru Kompanhia neebe fo servisu ba Timoroan sira hodi nafatin fo asistensia ba sira.
Tuir Segundu Asisten Adidu Trabador Timoroan, José Sebastião Coli katak, objetivu vizita nee atu hametin liu tan relasaun amizade entre Embaxada TL, Kompanhia nomos trabalhador Timoroan sira.
“Ami hetan oportunidade hodi vizita kompanhia neebe Timoroan sira servisu ba, hodi observa no rona dezafiu sira neebe Timoroan sira hasoru durante servisu, ami kompromete sei nafatin fo asistensia ba Timoroan sira neebe servisu iha Korea”, dehan José Sebastião Coli ba STL liu husi mensajen, Segunda (02/12/2024).
Entretantu, Embaixada Timor Leste iha SEOUL ba halo vizita trabalhu ba ilha Jejudo, hodi vizita diretamente nain ba Kompanhia no trabalhadores sira. Iha vizita nee, halao direta, husi Embaixador TL ba Korea, Antonio Benevides de Sá, akompanha husi Asisten Adido Trabalhu, Jose Coli, hetan oportunidade atu rona diretamente trabalhadores sira nia preokupasaun no dezafiu nebee sira hasoru iha servisu fatin.
Ekipa Embaixada kompremetidu atu kontinua fo asistensia ba Trabalhadores sira. Vizita ida nee, hanesan vizita diretamente dahuluk husi Embaixada Timor Leste ba iha Kompanhia sira iha area Peskas no fabrikas. Patraun kompanhia simu ho haksolok vizita ida nee no sira prontu nafatin koopera ho governu atu fahe esperiensia ba trabalhadores Timoroan.
(gui)
