DILI, STLTIMORLESTE.com – Embaixadora Xina ba Timor Leste (TL), Wang Wenli entrega doasaun husi Embaixada Xina ba Prezidente Republika (PR) ho osan montante rihun US$ 65, hodi apoiu bolsu estudu ba estudante sira.
Iha biban nee, Xefe Kaza Sivil Prezidensia Republika, Henriqueta Maria da Silva ba jornalista sira iha Palasiu Prezidensial Nicolau Lobato, Bairo Pite, Sesta nee (14/08/2026) hatete, ohin embaixada Xina liu husi Embaixadora Xina ba TL entrega doasaun ho osan rihun US$ 65 inklui material seluk ba Prezidente Republika iha Palasiu Prezidensial.
“Hand over nee iha osan kets rihun US$ 65 nee barak liu ba apoiu ba bolsu estudu ba ita nia estudante sira, iha mos doasaun material nee ba liu apoiu umanitaria, hanesan ita boot sira haree iha bola, iha mos material sira hanesan fatin sira malirin nee ita bele fo ba iha Maubisse ka iha fatin neebe presiza hanesan kapoti, hena ba rai malirin nian, iha kontainer neebe mai ita ohin simbolikamente entrega ba Prezidente Republika,” dehan Xefe Kaza Sivil.
Iha biban nee Xefe Kaza Sivil hatoo agradese ba Embaixada Xina neebe apoiu doasaun sira nee mai Prezidensia Republika, hodi fahe ba komunidade neebe presiza.
“Tanba nee agradese ba Embaixada Xina liu husi embaixadora neebe ohin entrega ona ba Prezidensia hodi apoiu umanitaria ba ita nia komunidade sira nomos ba estudante sira neebe presiza apoiu finanseiru,” katak Xefe Kaza Sivil.
Entrega tiha, depois mak Palasiu Prezidensial sei haree fo bolsu estudu oinsa nee jestaun iha palasiu nia.
Apoiu umanitariu nee tinan-tinan Embaixada Xina halo nafatin, laos deit apoiu umanitaria maibe bele haree mos halo pisina, Xina mak apoiu.
Sira sei halo tan Jardin ida iha kotuk, prosesu sei halo iha tempu badak, neebe sira apoiu lubuk ida ba prezidensia.
Apoiu doasaun entrega simbolika direita husi Embaixadora Xina ba Timor Leste, Wang Wenli ba Prezidente Republika, Jose Ramos Horta.
(eme)
