DILI, STLTIMORLESTE.com – Estudante estajiadu Universidade Nasional Timor Lorosae (UNTL) hamutuk 56 husi Fakuldade de Medisina e Siencias da Saude ( FMCS), Departamentu Eskola Superior Enfermajen, halao estajiu iha Hospital Nasional Guidu Valadares ( HNGV).
Liu husi karta komunikadu neebe STL asesu husi media HNGV, Kinta (30/07/2026) katak, HNGV simu estudante Universidade Nasional Timor Lorosae husi Faculdade De Medicina i Ciencias da Saude Departamentu Escola Superior Enfermajem iha Salaun inkontru HNGV Bidau, Kuarta (29/7/2026).
Serimonia nee abertura husi Xefe Gabinete Formasaun no Peskiza, Imaculada Filomena Lopes no Dignisimo Decano IV Asunto Koperasaun no Peskiza Faculdade de Medicina e Cienciass Da Saude UNTL, Dr. Carlos Boavida Tilman.
Tuir Termu de Entrega, Faculdade de Medicina e Ciências da Saude Departamento Escola Superior Enfermajem UNTL entrega estudante estajiadu ba iha HNGV hamutuk 56 kompostu husi mane 18 no feto 38 neebe sei halao estajiu espesializada, jestaun enfermajem no saude mental i psikiatria durante fulan 3 hahu husi Julhu too Outubro 2026.
Marka presensa iha serimonia neemak Visi Decano I asunto Academicos FMCS UNTL, Diretur da Escola Superior Enfermajem FMCS UNTL, Visi Diretur da Escola Superior Enfermajem FMCS UNTL no Corpos Docentes Escola Superior Enfermajem, Kargus Xefia , Edukador no Klinikal Instruktur.
Entertantu iha Segunda (27/7/2026), HNGV mos simu Estudante Estajiadus Universidade Catolica Timorense (UCT) São João Paulo II, Faculdade Ciencia Médica Departamento Escola Farmacia iha Salaun RACS Bidau.
Serimonia nee abertura husi Diretur Servisu Apoio Diagnostico e Terapeutico Interino HNGV, Dr. Eligio A. de Araujo Soares. Neurologia no Visi Reitor Desenvolvimento Internasional no Pastoral Universitario UCT São João Paulo II, Pe. Graciano Santos Barros.
Tuir Termu de Entrega Fuculdade Ciencia Medica Departamento Escola Farmacia UCT entrega estudante estajiadu ba iha HNGV hamutuk 27 pesoas kompostu husi mane 5 no feto 22 neebe sei halo atividade estajius pratika iha HNGV durante fulan 3 hahu husi fulan Julhu too Outubro 2026.
Marka presensa iha seremonia nee husi Coordenadora Escola Farmacia UCT noCorpo Docente, Xefe Gabinete Formasaun no Peskiza, Coordenadora CI TDTSP, Xefe Unidade Apoio Fornesimentu Armazenamentu HNGV no Estudante UCT Departamento Farmacia.
(dom)
