DILI, STLTIMORLESTE.com – Estudantes husi Ensinu Baziku Central (EBC).Manleuana iha loron Sabadu partisipa iha atividades extra kurikuler.
Lia hirak nee hatoo husi Direitor Ensinu Baziku Central (EBC) Manleuana, Carlos Correia ba jornalista STL iha nia knaar fatin Manleuana, Kuarta nee (18/03/2026).
“Iha loron Sabadu ami nian estudantes sira nafatin partisipa iha atividades extra kurikuler ninia, nee mak hanesan halo limpeja iha areador eskola nomos atividades desportu ninia entre estudantes feto ho mane, tanba nee iha loron Sabadu ami nian estudantes sira tenke partisipa iha atividades extra ninia,” nia afirma.
Carlos hatutan, ida seluk mak aula reforsu, nee duni prezensa estudantes sira nian ba atividades extra iha loron Sabadu lao diak tebes, tanba halao limpeja nee laos estudantes sira mesak deit, maibe hamutuk ho profesores sira.
“Iha loron Sabadu nee ami nian profesores hamutuk ho estudantes sira halo limpeja iha ami nian eskola, ami fo hanoin nafatin ba ami nian estudantes sira oinsa mak atu bele tau lixu iha fatin neebe mak ami prepara ona iha eskola,” dehan nia.
Nunee mos Deolindo do Rego hanesan estudantes hatete, loron Sabadu nee sira sempre ba iha eskola para bele partisipa iha atividades desportu, limpeja iha sira nian eskola, tanba nee estudantes barak mak partisipa iha atividades extra neebe halao iha kada loron Sabadu, maibe estudantes balun la partisipa.
“Iha loron Sabadu nee ami sempre ba iha eskola para bele partisipa iha atividades desportu, limpeja iha sira nian eskola, tanba nee estudantes barak mak partisipa iha atividades extra neebe halao iha kada loron Sabadu, maibe estudantes balun la partisipa,” nia dehan.
(jac)
