DILI, STLTIMORLESTE.com – Estudantes neebe daudaun nee kontinua sira nian estudu iha ensinu superior nee sira tenke estuda no lee barak, hodi domina area neebe sira hili.
Asuntu nee hatoo husi Reitor Instituto Ciência Saude (ICS), Leao Borges ba STL iha nia knaar fatin, Kinta nee (30/07/2026).
“Hau hanoin ida-nee idak-idak hili ona sira nian departamentu, nee tenke preparadu atu bele prepara nia aan, liu-liu tenke estuda makaas atu bele kompete, hau sujere ba ita nian estudantes sira katak tenke lee barak, nunee mos iha vontade neebe mak diak para bele estuda makaas no buka hatene nafatin, tanba edukasaun nee laiha fronteira,” katak nia.
Nia dehan, nee duni husu ba estudantes iha ensinu superior sira tenke lee barak, oinsa atu buka hatene saida mak seidauk hatene, buka tuir para bele hatene ho diak, nee depende esforsu mai husi kada estudantes idak-idak nian.
“Ita nian estudantes sira mak tenke buka meus oinsa.para sira bele domina ou iha konhesimentu neebe klean liu tan ba area neebe mak sira hili ona iha sira idak-idak nian estudu iha nivel ensinu superior. Atu nunee bainhira remata estudu sira bele domina liu tan sira nian area neebe hili,” nia esplika.
Nia dehan, prosesu estudu durante tinan hirak nian laran nee estudantes idak-idak mak hakaas aan estuda, presiza lee barak no halo pratika mos ba area neebe iha, tanba sira laos simu deit teoria husi dosentes sira, maibe tenke halo mos pratika ba area neebe sira hili ona, lee barak bele kompriende diak liu tan, nunee mos liu husi pratika, tanba ho ekipamentus neebe iha, nee tenke halo pratika.
“Iha ita nian estudantes sira nian prosesu estudu durante tinan hirak nia laran, nee estudantes idak-idak mak hakaas aan estuda, presiza lee barak no halo pratika mos ba area neebe iha, tanba sira laos simu deit teoria husi dosentes sira, maibe tenke halo mos pratika ba area neebe sira hili ona, lee barak bele kompriende diak liu tan, nunee mos liu husi pratika, tanba ho ekipamentus neebe iha, nee tenke halo pratika,” nia haktuir.
Iha fatin la hanesan, Reitor DIT, Salustiano dos Reis Piedade hatete, estudantes sira presiza domina ba fakuldade neebe sira hili hodi halao sira nian estudu iha universidade, tanba oinsa mak siensia neebe sira hetan sira bele kompriende diak, nunee remata sira nian estudu nee sira iha konhesimentu neebe diak.
(jac)
