DILI, STLTIMORLESTE.com – Estudantes husi Instituto Ciência Saúde (ICS) depois de simu teoria husi dosente sira, sira sempre halao pratika tuir area ida-idak nian.
Reitor Instituto Ciências Saude (ICS), Leao Borges ba STL iha nia knaar fatin, Kinta nee (30/07/2026) dehan, oras nee daudaun ekipamentus pratika nian sufisiente ba estudantes sira, atu nunee estudantes sira bainhira simu tiha teoria, sira mos partisipa iha atividades pratika nian, fasilidade pratika nian nee iha, tanba estudantes hili area saude nian nee tenke halo ho pratika.
“Ami nian ekipamentus pratika nian sufisiente hela ba ami nian estudantes sira, tanba durante nee ami nian estudantes sira laos simu deit teoria, maibe sira mos hola parte iha pratika ninia, tanba ami nian estudantes sira nee estudu ba area saude ninia, nee tenke iha pratika, rua nee tenke lao hamutuk nee importante,” nia informa.
Reitor ICS nee hatutan, daudaun nee ICS iha ninia departamentu lima, nee mak hanesan infarmajen, parteira, farmacia, nutrisaun ho siensia biomedika laboratoriu, kada tinan nee simu estudantes, nee depende ba ema neebe mak mai rejistu. Sira nian ekipamentus ba departamentu lima nee sufisiente hela ba sira nian estudantes sira hodi bele utiliza halo pratika. Tinan nee ICS sei sosa ekipamentus ba laboratoriu departamentu farmacia, hodi bele fasilita estudantes sira halao pratika.
“Tanba antes nee ami iha ona ekipamentus pratika nian ba estudantes sira, tinan ida nee sei sosa tan ekipamentus ba laboratoriu departamentu farmacia, sira sei haree liu ba farmacia ninia, tanba farmacia nee mak ninia ekipamentus sei menus. Kona-ba ami nian ekipamentus pratika nian ba estudantes nee sufisiente, tanba liu husi apoiu subvensaun durante nee husi MESSK, nee ami sosa ekipamentus dua puluan ribu nee,” dehan nia.
Nia akresenta, nee ekipamentus iha laboratoriu pratika ninia, ba iha departamentu infarmajen, parteira, nutrisaun, farmacia, laboratoriu, nee duni kona-ba ekipamentus pratika nian ba estudantes sira nee bele dehan sufisiente hela, kona-ba sala pratika nian ba estudantes sira nee diak, tanba sala pratika nian nee ketak, departamentu lima nee ninia ekipamentus pratika nian ba estudantes sufisiente hela, ciência biomedika laboratoriais.
“Kona-ba estudantes sira halao pratika nee depende ba iha orariu, tanba orariu pratika nian nee ita nian estudantes sira tenke halo duni pratika, teoria nian nee estudantes hotu simu teoria, depois mak halao pratika, nee ba departamentu lima neebe mak agora daudaun eziste hela iha ICS. Estudantes sira presiza uza oportunidade nee ho diak, liu-liu ba iha pratika no teoria ninia atu nunee bainhira remata estudu bele aplika iha fatin neebe mak sira hetan servisu, nee presiza aplika ho diak, tanba sira simu ona teoria, nunee mos halao pratika ba area neebe mak sira ida-idak hili ona,” nia esplika.
(jac)
