DILI, STLTIMORLESTE.com – Tuir Xefe Estadu Maiór Jenerál FALINTIL-Forsa Defeza Timor Leste (F–FDTL), Tenente Jenerál Domingos Raúl “Falur Rate Laek” husu Governu tempu ona investe ba FALINTIL-Forsa Defeza Timor Leste (F-FDTL) no Polísia Nasionál Timor Leste (PNTL), liu-liu ekipamentu susfistikadu hodi kombate Krime Scamming call Center.
“Ida nee fo mensajen ba ita para atu investe makaas iha Institusaun defeza no seguransa neebe modernu, laos fizikamente ho forsa mas ein kapasitasaun ein ekipamentu modernu teknolojia para depois ita antisipa ba sasán sira nee,” hatete Xefe Estadu Maiór Jenerál FALINTIL-Forsa Defeza Timor Leste (F–FDTL), Tenente Jenerál Domingos Raúl “Falur Rate Laek” ba jornalista sira hafoin partisipa konferénsia dasia Marinha da Guerra no Guarda Kosteira ba dala IX, dahuluk neebe halao iha Otel JL Wald iha Metiaut, Sesta (17/07/2026).
Nia apresia ba servisu forsa armadas ho koordenasaun ho polísia hodi asegura no detein suspeitu ba krime referida.
“Sim ita boot mos iha razaun para husu hau tanba buat nee mai husi rai liur nee verdade, nee mai husi rai liur. Agora Faktu mak ita nia polísia sira, ita nia pesoal sira neebe halo operasaun iregulares sira kontribuisaun sira husi defeza seguransa halo konsege nee uma susesu nao deicha que nee laos sira atu la husik liu ita,” nia afirma.
(jen)
