DILI, STLTIMORLESTE.com – Visi Primeiru Ministru no Ministru Koordenador ba Asuntu Sosial, Mariano Assanami Sabino hatete, fasilidade ba Mediku sira nee importante tebes, tanba laiha fasilidade hanesan transporte, uma dinas no seluk tan, sira labele fo atendimentu ba povu sira neebe mak hela iha area rural.
Nia dehan, agora daudaun reviu hela ba servisu sira neebe mak mediku sira halao, tanba nee fasilidade ba mediku sira nee importante tebes.
“Hau hanoin fasilidade ba mediku sira importante, ita hatene katak, ita haruka ita nia ema ba liur nee barak tebes-tebes, osan barak sai, tanba nee mak ita nia politika ba oin ita persiza reforma iha sistema ba servisu neebe diak liu,” hatete Assanami liu husi nia diskursu iha MS, Kaikoli, Dili, Kurta (04/12/2024).
Tanba tuir Assanami, Pesoal Saúde sira neebe Servisu iha area rural nee susar tebes, trasporte, uma neebe Profisional Saude sira hela, buat hira nee hotu inklina hotu ona iha sistema.
No Profisional Saúde sira nia servisu importante tebes, maski fasilidade saúde too, ekipamentu seidauk too, maibe tenke servisu ho fuan hodi atende povu no nasaun ida nee.
Antes nee Xefe Departamentu Sala Maternidade, Bernardina Freitas Marcal hatete, Hospital Rejional Eduardo Ximenes (HoREX) Baukau ekipamentu no fasilidade ba Mediku sira la sufisente, tanba iha sala Materidade HoREX kama la sufisente ba inan isin rua sira.
Nunee mos Mediku Raimundo Pinto deklara, fasilidade ba Mediku sira laiha hanesan trasporte, uma ba mediku sira iha area rural nee laiha liu.
(jen)
