DILI, STLTIMORLESTE.com – Depois de ezame segundu periodu, simu tiha kaderneta eskolar sira feriadu no sei tama fali eskola iha dia 3 fulan Agostu, hodi halao prosesu ensinu aprendizajen husi profesores sira hanesan baibain.
Tuir Diretor Eskola Sekundariu Jeral FINANTIL, Aniceto Berlelo dehan, agora daudaun estudantes sira feriadu hela, bainhira remata ezame segundu periodu, profesores ba kada disiplina idak-idak halo koreksaun ba pontus ezame, depois priense valor iha kaderneta, nunee fahe tiha ona ba estudantes ida-idak hodi tama kedas feriadu.
“Ami nian estudantes sira simu tiha ona kaderneta eskolar, nee mak sira feriadu nee, tanba nee ami nian estudantes sira sei tama fali eskola hanesan baibain iha dia 3 fulan Agostu, bainhira tama sira tuir kedas aula husi ami nian profesores sira, tanba iha semana nee nia laran sira feriadu ona, nee sira tama ona nee hahu kedas aprendizajen husi ita nian profesor sira,” dehan Aniceto ba STL, Segunda nee (27/07/2026).
Nia dehan, bainhira feriadu estudantes sira hotu la mai iha eskola no laiha atividades extra ruma nee laiha, tanba feriadu nee estudantes sira la mai iha eskola, too dia 3 fulan Agostu mak estudantes sira mai dala ida eskola.
“Ami nian atividades extra laiha, tanba nee feriadu ami nian estudantes sira la mai iha eskola, ami fahe tiha kaderneta sira tama feriadu, tanba ami tuir duni kalendariu husi ita nian Ministériu Edukasaun.
(jac)
