DILI, STLTIMORLESTE.com – Ministeriu Edukasaun (ME) liu husi Edukasaun Munisipiu Dili hasai ona sirkular ba eskola publiku sira iha kapital Dili, atu labele simu estudantes sira husi Munisipiu mai eskola iha kapital Dili.
Kestaun nee hatoo husi Diretor Edukasaun Munisipiu Dili, Sabino Perreira ba STL iha edifisiu Ian Martin Balide, Sesta (20/12/2024).
“Hasai ona sirkular fo ona orientasaun ba kada diretor eskola idak-idak, too iha nível ensinu baziku, atu labele simu estudantes mai husi Munisipiu, tanba eskola iha Munisipiu mos iha, Dili nee sala de aula mos la too, ita labele simu estudantes mai husi Munisipiu, nee duni ita orienta ona ba eskola sira,” katak nia.
Nia dehan, eskola publiku hotu tenke kumpri orientasaun ida nee, bainhira la kumpri mak tenke simu konsekuensia, orientasaun nee ba eskola publiku, neebe bandu estudante sira husi Munisipiu mai eskola iha Dili.
(jac)
