DILI, STLTIMORLESTE.com – Tasi ibun Largo Lecidere no tasi ibun sira seluk iha kapital Díli, neebe dala barak sai hanesan fatin halimar ba ema hotu, agora hasoru hela ameasa seria konaba foer neebe naklekar ba mai bele estraga ambiente tasi nian.
Tuir observasaun jornalista STL foti iha tasi ibun Largo Lecidere no tasi ibun seluk, iha kapital Dili hatudu katak, fatin halimar nee agora nakonu ho lixu plastiku no foer oioin neebe namlele, iha area raihenek leten hamosu preokupasaun makaas ba publiku.
Haree ba kondisaun sira neebe iha hanesan Aqua mamuk, plastiku, botir, embelanje han hemu nian no foer seluk neebe namlele iha tasi ibun, hatudu katak seidauk iha konsiensia neebe sufisiente husi ema sira neebe vizita fatin nee. Foer naklekar estraga ambiente nee laos estraga kapas fatin nian, maibe mos fo impaktu negativu ba tasi nian.
Impaktu husi lixu plastiku sira nee perigozu tebes ba moris tasi nian. Bainhira anin huu ka udan boot tun lixu sira neebe namlele iha tasi ibun sei lori ba tasi laran, neebe sei fo perigu ba ikan sira no ekossistem tasi nian, tanba foer naklekar estraga ambiente nee presiza proteje.
Situasaun nee sai mos espelhu ida ba jestsun lixu iha kapital Díli. Maski iha fatin lixu sira, maibe sei haree nafatin kultura soe lixu arbiru moris hela iha komunidade nia leet, neebe ikus mai lixu sira nee halibur hotu iha tasi ibun, buat neebe foer naklekar estraga ambiente no kapaas tasi nian tanba influensia husi tasi sae no anin.
Governu ka autoridade sira tenke foti asaun seriu atu rezolve problema soe lixu arbiru neebe foer naklekar estraga ambiente nee. Labele hein deit komunidade sira atu fo konsiensia, presiza mos hadia sistematiku jestaun lixu nian no tau fatin lixu neebe sufsiente iha area Largo Lecidere liu liu tasi ibun atu fasilitia vizitante sira.
Aleinde nee presiza mos programa edukasaun neebe kontinua konaba importansia hadia ambiente neebe foer naklekar estraga ambiente ona. Labele husik situasaun hanesan nee kontinua, tanba Largo Lecidere fatin publiku neebe importante ba turizmu no moris diak ba povu Díli nian.
Komunidade sira mos iha responsabilidade boot atu labele soe foer arbiru neebe naklekar ba mai estraga ambiente. Mudansa neebe diak hahu husi vizitante rasik, liu liu husi kustume atu lori fila lixu rasik bainhira fila husi tasi ibun ka tau lixu iha fatin neebe loos.
Foer sira nee laos deit kauza husi vizitante sira, maibe mos mai husi mota sira neebe lori lixu husi sidade laran ba tasi. Ida nee hatudu katak ba jestsun lixu iha nível sidade nian presiza hadia atu foer labele naklekar estraga ambiente tasi ibun nian.
Sistema drainajen neebe dala barak taka ho lixu mos kontribui ba problema nee. Bainhira udan lixu sira neebe iha drainajen laran suli hotu ba tasi ibun, hodi halo tasi ibun sai foer liu tan.
Nunee halo vizitante Daniel Vieira neebe vizita fatin nee fo nia komentariu katak, triste tebes haree fatin Largo Lecidere neebe uluk kapas, agora sai hanesan lixu fatin.”Ita presiza konsiensia atu proteje tasi ibun nee, hodi labele foer neebe estraga ambiente neebe komunidade uza ba halimar,” dehan Daniel ba STL, Domingu (07/06/2026).
Vizitante nee hatutan tan katak, Governu no sidadaun sira tenke kolabora hamutuk hodi tau matan ba fatin nee, tanba se husik deit, futuru jerasaun sira sei la hetan tan tasi ibun nee, no sei lori impaktu boot neebe foer naklekar estraga ambiente ba tempu naruk.
(car)
