DILI, STLTIMORLESTE.com – Fornesedor programa merenda eskolar husi Ensinu Baziku Central (EBC) Manleuana prepara hahan ba estudantes sira tuir menu neebe mak iha ona.
Narciso Pinto Soares Vieira da Costa hanesan Gabinete Apoiu Tekniku (GAT) Manleuana ba STL iha nia knaar fatin Segunda nee (03/08/2026) dehan, hahu ohin programa merenda eskolar iha sira nian eskola hahu lao fali hanesan baibain, no fornesedor sira prepara merenda eskolar tuir menu neebe mak iha ona.
“Ohin nee ita nian estudantes sira hahu asesu fali programa merenda eskolar, total estudantes nain hira mak asesu ba programa nee seidauk hatene, tanba presiza haree iha lista kompletu, atu nunee ita mos bele hatene. Hau hanoin menu merenda eskolar nee nafatin deit, ohin ita nian estudantes sira han naan bifi, mostarda no aifuan,” nia informa.
Nia dehan, estudantes sira nee han ai-haan neebe mak fresku deit, manu tolun nee menu ba aban ninia, tanba nee sosis ho ayam potong laiha, tanba estudantes sira han naan fresku deit, sosis, ayam potong no ikan laiha, programa refere paradu durante semana rua nia laran estudante sira la asesu, no ohin mak estudantes sira foin asesu fali programa merenda eskolar ida nee.
“Dadus nee tanba ita nian estudantes balun husi dader no balun tama loraik, nee duni ita presiza haree mos dadus neebe mak los, ami nian fornesedor neebe mak prepara hahan ba ami nian estudantes sira nee hamutuk 12, loron ida ami nian fornesedor sira tein merenda eskolar dala tolu ba ita nian estudante sira, menu nee ita uza nafatin menu neebe mak antes nee ita uza tiha ona,” tenik nia.
(jac)
