Fundasaun Nippon Halao Atividade Voluntariu Aula

DILI, STLTIMORLESTE.com – Sentru Voluntariu Fundasaun Nippon ka Nippon Foudation Voluntariu Center halo atividade voluntariu aula ba labarik Timoroan sira, ho akampamentu asaun sosial hodi kria futuru ho labarik sira iha Timor Leste.

Sentru Voluntariu Fundasaun Nippon despacha voluntariu estudante nain 20 mai TL, hodi halao atividade voluntariu sira neebe relasiona ho edukasaun ba labarik sira akampamentu asaun sosial iha TL.

Iha biban nee, Coordinator Public Relation Departament Husi Nippon Foudation Voluntariu Center, Horoki Sugiyama ba STL iha Palasiu Prezidensial Bairo Pite, Kinta (17/10/2024) hatete, voluntariu estudante universitariu haruka husi Nippon Foudation Center mai TL hodi halao atividade voluntariu.

“Organizasaun ou sentru nia naran mak Nippon Foundation Voluntariu Center, sira nia objetivu mak oinsa haruka nia estudante sira hodi halo atividade voluntariu iha TL nomos iha mundu tomak,” katak Coordinator Public Relation Departament Husi Nippon Foudation Voluntariu Center, Horoki.

Nia hatete, atividade nee halao iha Kapital Dili laran deit inklui mos iha Metinaro.

Nunee mos Estudante Feto Sayuri husi Japaun hatete, objetivu sira mai iha TL atu hanorin estudante sira.

“Estudante Japaun mai iha TL atu hanorin alin sira, nomos hasoru ho alin estudante sira iha TL,” katak nia.

Nia mos hatoo obrigada no agradese ba estudante sira neebe hamutuk ona ho sira, hodi aprende hamutuk no halo ezersisiu hamutuk iha fatin refere.

Nunee mos Estudante Voluntariu Japaun, Hiroto hatete, sente kontente tebes hamutuk ho estudante sira iha Timor, tanba bele fahe hanoin ba malu hodi hasae konhesimentu.

“Atividade ohin book aan diak liu tan, liu-liu ba alin sira neebe ohin kanta no dansa, no mai TL atu haree oinsa mak halo dezenvolvimentu ba aan, maibe hau haree alin sira nia dezenvolve aan makaas ona,” katak nia.

Nia hatete, aleinde aprende hamutuk sei entrega mos material ruma ba estudante sira iha fatin refere hodi aprende ba oin.

(eme)