DILI, STLTIMORLESTE.com – Konselhu Ministru aprova projetu Dekretu-Lei neebe aprezenta husi Sekretariu Estadu Komunikasaun Sosial, Expedito Dias Ximenes, kona-ba rejime subvensaun publika ba orgaun komunikasaun sosial sira.
“Objetivu husi diploma ida-nee atu hametin sustentabilidade ba setor nee, asegura sirkulasaun livre kona-ba informasaun, no mos promove pluralizmu no diversidade opiniaun sira,” haktuir nota komunikadu neebe STL asesu husi governu, Kuarta (29/07/2026).
Tuir governu subvensaun nee nuudar inisiativa Governu nian ida neebe ho objetivu atu fo apoiu ba orgaun komunikasaun sosial sira bazeia ba kriteriu neebe objetivu, transparente no la diskriminatoriu, la fo impaktu ba nia independensia editorial ka liberdade informasaun no imprensa nian.
(alb)
