DILI, STLTIMORLESTE.com – Konselhu Ministrus halao sorumutu iha Palasiu Governu aprova proposta Rezolusaun Governu, neebe aprezenta husi Prezidente Komisaun Funsaun Publika, Agostinho Letêncio de Deus, hodi suspende rekrutamentu ba funsionriu publiku no ajente administrasaun publika, nunee mos kontratasaun ba trabalhador “kazual” sira.
“Intensaun husi proposta Rezolusaun Governu ida nee atu limita kreximentu kontinuu husi administrasaun publika, neebe halao la ho prosesu selesaun neebe rigorozu no bazeia ba nesesidade real, neebe kauza aumentu ida neebe boot iha despeza orsamental,” haktuir nota komunikadu neebe STL asesu husi governu, Kuarta (29/07/2026).
Rezolusaun Governu neebe propoin nee salvaguarda exesaun sira neebe relasiona ho kontratasaun ba Gabinete Ministerial sira, prosesu selesaun bazeia ba meritu ba kargu diresaun no xefia nian, no mos karreira ka grupu profisional sira ho vaga no orsamentu neebe aprova ona iha tinan kotuk, nunee mos karreira dosente universitariu no profisional saude nian, neebe justifika ho falta pesoal.
(alb)
