DILI, STLTIMORLESTE.com – Hahu husi Janeiru too Dezembru 2024 pasiente hamutuk 67.050, sira nee ho moras oin-oin neebe sempre mai uluk tratamentu iha sala Emerjensia Hospital Nasional Guido Valadares (HNGV).
“Ita rejistu pasiente hamutuk 67.050, neebe kompostu husi feto 3532,3218, sira nee ami foti total, maibe sira iha moras oin-oin deit neebe mai aprezenta iha sala Emerjensia HNGV,” dehan Xefe Departamentu Emerjensia Hospital Nasional Guido Valadares (HNGV), Júlia Rodrigues ba jornalista sira iha sala Emerjensia HNGV, Segunda (03/02/2025).
Nia dehan, husi dadus nee pasiente moras oin-oin deit, tanba haree liu ba kategoria urjenti mak pasiente neebe mak hetan asidente no pasiente neebe serangan jantung.
“Kategoria neebe urjenti nee, pasiente neebe mai ita tenke atende lalais, mak pasiente neebe hetan asidente no pasiente neebe mak bele mate iha minitu ida ou rua nia laran, depois pasiente neebe serangan jantung, ida nee ita tama iha kategoria mean,” nia esplika.
Nia informa, pasiente neebe tama ba kategoria kinur nee bele hein iha 30 minitu nia laran, depois tratamentu, depois kategoria matan nee bele hein too oras ida ou tolu.
Iha fatin ketak, Familia Pasiente, Carlos Santana deklara, atedimentu iha sala Emerjensia HNGV lao diak, tanba sira fo atendimentu neebe tuir kategoria, hanesn pasiente mai ho kondisaun grave, nee sira atende lalais.
(jen)