DILI, STLTIMORLESTE.com – Banku Mandiri sublinha nia papel nuudar ajente dezenvolvimentu no kriador valor liu hosi hametin kompetitividade Indonezia nian liu hosi optimiza papel eskritoriu sira iha rai liur (KLN). Ho produtu no solusaun finanseira oioin neebe oferese, KLN Bank Mandiri bele fasilita nesesidade oioin ba ator emprezarial sira husi MSME too kliente grosista no retallu iha rai liur.
Nuudar esforsu atu optimiza negosiu internasional, Banku Mandiri oras nee lansa hela Livin’ by Mandiri (Mobile Banking) Timor-Leste nuudar estratejia atu ajuda atende nesesidade servisu tranzasaun finanseira iha kliente sira-nia liman fuan.
Diretor Tezouru & Banku Internasional iha Banku Mandiri, Eka Fitria, haktuir katak lansamentu produtu Livin’ by Mandiri Timor-Leste nee nuudar forma konkreta ida husi komprimisu empreza nian atu kontinua fo apoiu ba nesesidade finanseira kliente hotu-hotu iha Timor-Leste.
Tuir komunikadu imprensa neebe STL simu iha Domingu kalan (01/12/2024) informa katak, Serie lansamentu Livin’ by Mandiri Timor-Leste mos koinside ho Loron Nasional Poupansa Timor-Leste nian iha loron 29 fulan Novembru. Livin’ by Mandiri Timor-Leste iha nee hanesan oferta ida ba Timor-Leste no iha apoiu ba programa dijitalizasaun finanseira Banco Central de Timor-Leste (BCTL).
Eventu neebe halao iha CCD Kaikoli, Dili, Sesta (29/11/2024), partisipa mos husi Prezidente Republika Timor-Leste (pr) José Ramos-Horta, Primeiru-Ministru (PM)Kay Rala Xanana Gusmao, Governador BCTL, Helder Lopes no konvidadu sira seluk atus ba atus.
“Liu husi Livin’ by Mandiri Timor-Leste, ami hakaas aan atu fasilita kliente sira atu halao tranzasaun bankaria ho dijital, kualker tempu no iha neebe deit. Ida nee mak ami nia kompromisu atu kontinua halo inovasaun no hanesan prezente espesial ba povu Timor-Leste iha Loron Nasional Poupansa nian,” dehan Eka.
Entretantu SEVP International Banking & Financial Institutions Banku Mandiri, Abu Santosa Sudradjat akresenta, ho dezenvolvimentu teknolojia dijital neebe aumenta ba beibeik, Banku Mandiri kontinua fo solusaun neebe relevante no apoia nesesidade povu iha Timor-Leste. Livin’ by Mandiri Timor-Leste oferese konveniensia ba tranzasaun finanseira kliente sira nian, inklui liu husi utilizasaun transferensia QR no fasilidade verifikasaun saldu, transferensia konta no informasaun bankaria sira seluk.
“Prezensa husi Livin’ by Mandiri Timor-Leste hein atu sai hanesan solusaun finanseira dijital ida ba elementu hotu-hotu iha sosiedade atu nunee bele enkoraja realizasaun ekosistema cashless iha Timor-Leste, tantu iha setor governu no privadu, liuliu iha dezenvolvimentu hosi tranzasaun retallu dijital sira,” dehan Abu.
Entretantu, Jerente Jeral Banku Mandiri Timor-Leste, Hari Nugroho Sujiono afirma katak, Banku Mandiri Timor-Leste halao operasaun nuudar banku komersial iha Timor-Leste dezde tinan 2003 no presta ona servisu bankariu liuhosi produtu finanseiru no solusaun ba individu liu 40,000 no kliente korporativu sira.
Too fulan Outubru 2024, Banku Mandiri iha Timor-Leste sai hanesan banku estranjeiru neebe boot liu ho total ativu too milhaun USD 867, neebe hein katak sei kontinua aumenta hamutuk ho implementasaun inisiativa aplikasaun bankária.
Hari hatutan tan, katak ba ema neebe hakarak uza Livin’ by Mandiri Timor-Leste, bele download liu husi Apple App Store, Google Play Store, Huawei App Gallery, no ativa iha Eskritoriu Bank Mandiri Timor-Leste iha Colmera no Timor Plaza.
(mik)
