DILI, STLTIMORLESTE.com – Prezidente Republika (PR), Jose Ramos Horta durante ferias iha Kupang hasoru Timoroan lubuk neebe hela iha Kupang, no Prezidente Republika rasik halo esforsu makaas oinsa bele taka prosesu neebe akontese iha tinan 1999.
Xefe Estadu hatoo kestaun nee liu husi nia diskursu, bainhira partisipa iha eventu loron Masakre Santa Kruz no loron Juventude ba dala 33, iha Santa Kruz, Balide, Dili, Tersa (12/11/2024).
“Hau ba ferias hasoru Timor sira nee iha kupang, hau mak hakarak hasoru sira konviviu jantar ida laos reuniaun asuntu espesifiku ruma, hanesan mos ba Darwin hasoru Timoroan iha neeba, hau ba Inglaterra hasoru Timoroan iha neeba sira nia kaza espesial tanba ho 1999, saida mak hau bele hatete, buat hau kontinua esforsu para ita taka duni prosesu 1999 ,” katak PR, Horta.
Nia dehan, labele hanoin deit iha 1999 mak iha responsablidade Timoroan lubuk ida iha luta laran mate, Timoroan nia liman, iha FRETILIN nia liman, husu ba sarjentu Aquilis, sarjentu Policiano, husu took Timoroan sira lubuk neebe sei moris sira mai hasoru PR uluk FRETILIN bolu sira traidor afinal sira traidor ka lae buat sira nee hotu.
“Nee duni hau hatete diak liu ita taka deit prosesu nee 100%, maun boot Xanana konkorda hau sempre koordena ho maun boot Xanana, agora hein deit momentu ida para halo prosesu nee,” hatete Horta.
Horta hatutan, durante ferias iha Kupang relasaun diak ho Timoroan neebe mak hela iha Kupang iha ambiente neebe mak diak, no sidadaun Timoroan neebe iha Kupang mos kontente bainhira Prezidente Republika buka kontaktu ho sira.
(eme)
