DILI, STLTIMORLESTE.com – Hospital Nasional Guido Valadares (HNGV) komesa distribui kartaun dijital ba pasiente, hodi fasilita prosesu rejistu, hamenus tempu hein kleur no troka uza surat tahan manual.
HNGV komesa distribui kartaun dijital ba pasiente sira husi loron 11 fulan Agostu, no to’o Segunda feira (24/08/2026), kartaun hamutuk 2.763 mak distribui ona ba pasiente foun no pasiente tuan.
Xefe Unidade Informasaun no Arkivu Kliniku HNGV, Carlos de Araujo Andrade hatete, distribuisaun kartaun dijital sei kontinua ba pasiente sira ne’ebé mai konsulta no halo kontrolu iha HNGV.
Nia esplika katak, pasiente sira ne’ebé uza kartaun dijital sei la presiza hein kleur atu foti surat tahan ka status moras, tanba dadus pasiente nian sei rejista diretamente iha sistema dijital.
“Agora daudaun lao hela ho tranzisaun, signifika katak ita sei lao neineik ho kartaun dijital ne’ebé sei kria tuir etapa. Agora sistema dijitalizasaun alkansa ona 50%,” dehan Carlos ba jornalista iha HNGV, Bidau.
Tuir nia, sistema iha Unidade Pasiente Liurai (OPD) no arkivu rejistu mediku alkansa ona 100%. Agora HNGV hahú implementa sistema ne’e iha laboratóriu, farmásia, banku ran no radiolojia.
Carlos hatete katak, bainhira sistema dijitalizasaun tama kompletu iha unidade hotu, HNGV bele halo scan ba dokumentu pasiente sira nian no halakon uza surat tahan tradisionál.
“Objetivu sistema dijitalizasaun ne’e mak atu halakon surat tahan ne’ebé durante nee uza hodi hakerek pasiente nia istória moras. Ba oin, buat hotu sei uza sistema ida ne’ebé sistemátiku,” nia hatete.
Nia afirma katak, kartaun dijital mós bele hamenus gastu ba material administrativu (ATK) no hamenus servisu relatóriu loroloron. Dadus ne’ebé tama iha sistema sei diretamente tama ba relatóriu, tanba sistema ne’e funsiona iha tempu real.
Ho sistema ne’e, responsavel sira bele haree dadus iha tempu loos no halo desizaun bazeia ba informasaun ne’ebé disponivel iha sistema.
Carlos konsidera, digitalizasaun importante tebes ba HNGV no bele sai ezemplu ba ospitál sira seluk iha Timor Leste.
Nia hatete katak, implementasaun ne’e foin hahú semana rua liubá. Kartaun ne’ebé distribui to’o agora besik 3.000, husi total 15.600 kartaun ne’ebé iha kontratu.
Tuir nia, iha faze segundu, HNGV sei prepara proposta foun atu Konsellu HNGV bele avalia kona-ba kontinuidade programa, inklui troka kartaun hotu ba pasiente sira ne’ebé sei uza surat tahan.
Carlos mós husu pasiente sira atu kuidadu diak kartaun dijital tanba istória moras hotu sei rai iha kartaun no sistema. Kartaun dahuluk gratuitu, maibé se lakon no presiza troka fali, pasiente tenke selu US$5, tuir regulamentu HNGV.
Pasiente Ana Maria hatete, nia kontente ho kartaun dijital tanba fasilita prosesu konsulta no la presiza lori tan surat tahan ka istória moras.
“Hau foin halo no uza kartaun nee ba konsulta. Uza kartaun nee la presiza lori tan surat tahan ka istória status moras nian,” dehan Ana Maria.
Nia agradese ba governu tanba implementa sistema ne’e, ne’ebé nia konsidera bele ajuda pasiente sira hamenus tempu espera.
Pasiente seluk, Miguel mós hatete katak, kartaun dijital fasilita pasiente sira bainhira mai konsulta. Tuir nia, antes pasiente sira tenke mai sedu atu hetan númeru no hein atu rejistu no foti surat tahan status moras.
Xefe Unidade Informasaun no Arkuivu Kliniku HNGV, Carlos de Araujo Andrade hatete, daudaun nee distribui ona kartaun dijital komesa kedas husi dia 11 ate agora distribuisaun lao hela. Distribuisaun hamutuk 2.763 ba pasiente neebe agora mai simu kedas nomos ba pasiente foun no tuan.
Nia katak, kartaun nee tenke troka foun kedas ba pasiente sira neebe mak durante nee mai konsulta no kontrolu iha nee. Para nunee ba oin mai, sira mai la antrian tan ona. Kartaun dijital nee uza hodi fasilitas pasiente sira rejistu ho lais, atu nunee sira nia status bele ba ona iha doutor.
“Agora daudaun lao hela ho tranzisaun, signifika katak ita sei lao neineik ho kartaun dijital neebe sei kria tuir etapa. Neebe foun kalkulasaun nee iha 50% sistema dijital neebe mak halao nee. Ita seidauk tama too baixa, foin mak iha OPD no medical record nia fatin. Iha OPD nee 100%, no agora ita tama fali ba iha laboratóriu, farmasia, banco de sangue no radiolojia nian,” dehan nia ba jornalista iha HNGV, Bidau, Segunda (24/08/2026).
Nia afirma, ida nee hotu foin alkansa ba baixa nian. Komesa fahe daudaun kartaun nee, ho nunee bele fasilita liu tan pasiente sira labele antrian kleur fali hodi foti sira nia status. Bainhira sistema dezenhu sira nee tama too baixa fatin, foin mak bele halo ona scan hotu dokumentus pasiente sira nian.
Nia haktuir, bolu sistema dijitalizasaun hakarak halakon surat tahan neebe durante nee hakerek pasiente sira nian status moras nian. Para ba oin buat hotu uza sistematik deit, hodi nunee fasilita malu nee bele lais husi kria sistema dijital nee.
Vantajen husi kartaun dijital neemak hamenus gastu osan ba ATK no hamenus servisu kona ba kestaun atu halo relatoriu iha dader ou lor-loron tenke konta relatoriu, nee agora laiha ona. Tanba agora nee reel time, input ona iha sistema laran signifika nia halai ona ba relatoriu, nunee bainhira tama ba iha baixa fatin. Neebe ho dijitalizasaun nee tur iha fatin, haree iha fatin no foti desizaun iha fatin, tanba ida neemak sistema dijitalizasaun mak nee.
Tuir nia, sistema dijitalizasaun nee importante tebes mai iha HNGV inklui mos ba futuru iha hospital neebe mak iha Timor laran tomak. Kartaun dijital nee agora dadaun sei uza uluk lai iha HNGV, tanba hospital nee mak sai ezemplar ba hospital sira seluk.
Foin hahu semana rua ba kotuk, tanba nee mak total kartaun too ohin loron bele konta 2000 resin besik too 3000. Total kartaun tuir kontratu neebe iha hamutuk 15,600, signifika kalkulasaun ba numeru neebe agora hasai 600 resin la too. Entaun iha faze segundu tuir mai hatama fali proposal para oinsa konselhu HNGV bele haree fali asuntu ida nee. Tanba ida nee laos fo antes ona, maibe foin mak hahu tenke troka hotu kartaun sira neebe mak pasiente sira uza surat tahan nee.
Tanba nee mak pasiente sira tenke kuidadu kartaun dijital nee ho diak iha vida, tanba historia moras hotu iha laran. Se karik mak lakon, bainhira atu troka fali foun tenke selu US$ 5, ida primeriu nee mak gratuitu. Ida nee mak regulamentu neebe hasai husi HNGV nian.
Nunee mos Pasiente Ana Maria hatete, kontenti tebes ho kartaun dijital nee bele fasilita ho lais Liu. La hein kleur ona hanesan uluk.
“Hau foin mak halo no uza ba konsulta. Uza kartaun nee la presiza lori tan surat tahan ka histori status moras nian,” dehan nia.
Nia hatutan, agradese ba governu tanba bele kria kartu dijital nee ba pasiente sira, se lae mai forma naruk hodi hein surat tahan.
Tuir Pasiente Miguel katak, agradese ba governu tanba bele kria kartaun dijital nee ba pasiente sira hodi mai konsulta ho lais. Selae atu tau naran deit, tenke mai sedu hodi hetan numeru kiik hodi rejistu, foin bele foti surat status moras nian hodi lori ba doutor.
(dom)
