DILI, STLTIMORLESTE.com – Prezidente Republika (PR), Jose Ramos Horta hatete, labele permite autor neebe involve jogu online ilegal neebe Polisia kaer ona, tenke lori ba prizaun.
Prezidente Republika Jose Ramos Horta ba jornalista sira iha Palasiu Prezidensial Nicolau Lobato, Bairo Pite, Kuarta (01/07/2026) hatete, presiza lori autor neebe mak Polisia Nasional Timor Leste (PNTL) liu husi Diresaun Serbisu Investigasaun Kriminal (DSIK) kaptura tanba involve iha atividade jogu ilegal no Scam Call Center nee.
“Se mak halo mak laiha lisensa polisia kaer lori ba prizaun, ita labele permite jogu sira nee mais hau hanoin barak iha Timor jogu ilegal lao daudaun difisil atu kontrola maibe Governu tenke hakaas aan liu tan para kontrola jogu ilegal. Jogu ilegal infelismete hau lahatene tanba saida buat tomak nee mai loke fali iha Timor, tanba jogu illegal bele loke iha Indonezia rasik, buatomak ida mai loke jogu illegal nee fak ten ida karik tanba o la presiza mai Timor buat nee ho Internet, IT, o bele loke iha neebe deit, tanba nee mak perigozu liu ema bele halo iha indonezia maibe target Timor,” dehan PR Horta.
Prezidente Republika hatete, Timor Leste posibilidade kaer ema neebe halai mai tanba rai kiik, no iha Kambodia rai boot tebes ema rihun ba rihun milhões ba milhões bele subar indonezia mos bele subar maibe Timor difisil subar tanba rai kiik.
Polisia tenke book aan moris tenke buka apoiu makaas liu husi instituisaun rua ida mak Australia Federasaun Police ida mak FMI, no Prezidente mos koalia ho militar amerikanu dala barak ona sira hakarak apoiu Timor makaas presiza deit mak Governu apoiu tanba krime organizado sufistifikadu balun forsa liu fali estadu, Eropa mos difisil atu kontrola krime organizado Amerika mos susar kuantu mais Timor tanba nee buka koperasaun metin ho Australia federal police FMI nomos polisia sira ASEAN nia.
Foin lalais Polisia Nasional Timor Leste (PNTL) liu husi Diresaun Servisu Investigasaun Kriminál (DSIK), aprezenta ona autor husi sidadaun Indonezia nain 61 neebe involve aktividade Jogu online ilegal no scam call center ba Ministeriu Publiku (MP).
Polísia Nasional Timor Leste (PNTL) liu husi Diresaun Nasional Servisu Investigasaun Kriminal(DNSIK) neebe halo atusaun iha Tibar hodi desmantela servisu krime organizadu Internasional neebe bolu jogu online ilegal no scam call center.
Liga ho kazu nee Tribunal Judisial Primera Instansia Dili (TJPID), liu husi despaisu ba prosesu primeiru introgatoriu, deside aplika medida Prizaun Preventiva (PP) ba arguidu nain ida, konaba kazu Scam Call Center neebe akontese iha Tibar. Iha despaisu Tribunal nian, Juiza turnu Ersilia de Jesus deside aplika medida PP ba arguidu ho inisial D hanesan manejer. No arguidu nain 60 Tribunal deside aplika medida Kausaun kada arguidu ida ho osan rihun rua atus lima, no medida Aprezentasaun Periodika atu arguidu sira aprezenta aan iha Eskuadra Polisia neebe hela besik ba semana ida dala ida.
(eme)
