DILI, STLTIMORLESTE.com – Ensinu Baziku Sentral (EBC – sigla português) Manleuana husu Ministeriu Edukasaun (ME) ba oin atu aumenta sala aprendizajen ualu (8) ba estudante sira.
Lia hirak nee hatoo husi Diretor EBC Manleuana, Carlos Correia ba STL iha nia knaar fatin, Tersa nee (17/12/2024).
“Ami nian meza no kadeira sufisiente hela, inklui livrus mos sufisiente ba ami, maibe ami nian difikuldade mak kona-ba meza no kadeira, ami nian preokupasaun ba sala de aula, tanba ami iha tres turnu, tanba nee ba oin ami husu ME atu aumenta tan sala 8 ba ami nian estudante sira, nunee ami nian estudantes sira bele uza ba iha ensinu prosesu aprendizajen iha ami nian eskola,” tenik nia.
Nia dehan, husi parte eskola halo ona proposta ba ME liu husi Edukasaun Munisipal Dili, maibe ate agora seidauk hetan resposta ba proposta neebe mak sira hatama ona ba ME iha fulan kotuk.
(jac)
