JAKARTA, STLTIMORLESTE.com — Selesaun Indonézia sai kampeáun dahuluk FIFA ASEAN Cup 2026, depois derrota Tailândia 4–2 iha penalti, iha final ne’ebé intensa iha Estádiu Gelora Bung Karno, Jakarta, Segunda-feira, 5 Outubru 2026.
Jogu remata 2–2 depois de tempu regulamentar no tempu extra, antes Indonézia sai vensedór iha disputa penalti ho rezultadu 4–2.
Indonézia loke vantajen liuhusi Dean Ruben James iha minutu 84, maibé Tailândia responde lalais liuhusi Iklas Sanron iha minutu 87.
Iha tempu extra, Tailândia, maski joga ho dez jogador, fila fali ba oin liuhusi Peeradol Chamratsamee iha minutu 111.
Indonézia depois hetan igualdade iha minutu 116 liuhusi Elkan Baggott, ne’ebé halo rezultadu sai 2–2 to’o tempu extra remata.
Iha disputa penalti, Indonézia marka penalti haat, enquanto Tailândia falla penalti rua. Guarda-redes Indonézia Emil Audero sai importante tanba defende remate penalti Nattapong Sayriya no ajuda ekipa nia hetan troféu.
Kapitán Tailândia, Sarach Yooyen, mos falla nia penalti, ne’ebé aumenta oportunidade Indonézia atu sai campeaun.
Vitória ne’e halo Indonézia sai campeaun dahuluk FIFA ASEAN Cup 2026, depois de final dramátiku ne’ebé remata 2–2 no deside ho penalti.
Atakante Indonézia Mitchell Baker remata torneiu nu’udar top skor ho golu 5. Iha pozisaun tuir mai, Bergson husi Malásia ho golu 4 no Bjorn Martin Kristensen husi Filipinas ho golu 3.
(leo)
