DILI, STLTIMORLESTE.com — Polísia Nasional Timor Leste (PNTL) Munisípiu Dili kontinua investigasaun kona-ba insídiu iha Merkadu Komoro atu determina kauza no prejuízu.
Komandante PNTL Munisípiu Dili, Komisáriu Asistente Polísia Orlando Gomes hatete, investigasaun kontinua iha Taibesi no Komoro.
“Investigadór sira sei halo verifikasaun no halibur informasaun hosi testemunha sira kona-ba akontesimentu ne’e,” hatete Orlando Gomes.
Lia hirak nee Orlando Gomes ko’alia ba STL iha Eskuadra Dom Alexu Aimutin, Dili, Sábadu (03/10/2026).
Nia hatete, informasaun hosi komunidade no testemunha importante atu ajuda PNTL klarifika faktu sira iha lokal.
Iha momentu insídiu, ekipa investigasaun hala’o verifikasaun iha lokal no área merkadu hodi halibur evidénsia.
Investigasaun mos hala’o liuhosi Komandu Munisípiu, inklui orientasaun ba motorista sira ne’ebé uza transporte iha área refere.
Aleinde nee, vítima insídiu iha Merkadu Komoro, Sufia Ximenes hatete, nia triste tanba ahi han nia uma derepente.
“Sasan hotu iha uma laran ahi han. Ha’u ba merkadu hola modo, haree ahi, ha’u halai fila, maibé la konsege salva sasan,” afirma Sufia.
(jen)
