DILI, STLTIMORLESTE.com – Institutu Salezianu Dom Bosco (ISDB) Cup atu halibur foin sae sira liu-liu iha mundu futebol nian hodi bele anima foin sae sira seluk.
Prezidente Komisaun Organizadora, Nerio Bonifácio Cunha Costa dehan, uluk nanain agradese ba governu liu husi Ministeriu Ensinu Superior Siensia no Kultura (MESSK) neebe aloka ona osan mai iha institutu ida nee, orsamentu nee husi parte grupu desportu mos hetan orsamentu balun hodi halao torneu ida nee.
“Ami husi grupu desportu mos hetan orsamentu balun hodi halao torneu ida nee. Objetivu husi ISDB cup nee atu halibur foin sae sira liu-liu iha mundu futebol nian atu bele anima foin sae sira seluk,” dehan nia ba STL iha Kampo Futebol Dom Bosco Comoro, Sesta (32/07/2026).
Frater nee katak, nuudar Dom Bosco nia oan atu fo edukasaun mos ba sira. Aleinde eskola iha nee, liu husi institutu hakarak organiza eventu ida nee ba foin sae sira, hodi halibur sira hanesan maun alin iha kampu laran.
Nia haktuir, ISDB cup nee simu klubu iha tecnical meeting hamutuk 17, maibe klubu 2 mak rezigna aan tiha.
“Fou-foun ami simu klubu iha teknikal meeting hamutuk 17, hafoin ida nee klubu 2 mak rezigna aan no agora daudaun hela klubu 15,” dehan nia.
Nia hatutan, husi klubu 15 nee fahe ba pull 4 mak A, B, C no D. Husi klubu sira nee maioria mai husi antigus alunus saleziano no fatin sira neebe mak Frater sira halo oratoriu ba, liu-liu iha area Comoro nian.
(dom)
