DILI, STLTIMORLESTE.com – Júri rekrutamentu Polísia Nasional Timor-Leste (PNTL) reavalia dokumentu kandidatu 12.877 antes kandidatu sira hakat ba faze ezame tuir Diploma Ministeriál Nú. 35/2026.
Prezidente Júri Rekrutamentu PNTL Foun, Komisáriu Asistente Polísia José Soares hatete, ekipa Júri Rekrutamentu Kadete PNTL hahú prosesu reavaliasaun dokumentu kandidatu sira, tuir Artigu 15 Diploma Ministeriál Nú. 35/2026.
“Ita hahu prosesu reavaliasaun dokumentus Kandidatu sira tuir Diploma Ministerial Nu 35/2026, nesesidade rekrutamentu aumenta hosi vaga 400 ba 750 tuir Rezolusaun Nú. 29/2026,” hatete Prezidente Júri Rekrutamentu PNTL Foun, Komisáriu Asistente Polísia José Soares ba jornalista sira iha SFP Comoro, Tersa (22/09/2026).
Nia esplika, tanba mudansa vaga, dokumentu hotu ne’ebé kandidatu sira submete iha konkursu tenke reavalia molok sira hakat ba fase ezame tuir mai.
“Artigu 15 hatete katak, atu hakat ba ezame tuir mai, dokumentu hotu ne’ebé submete tenke reavalia hotu,” nia deklara.
José Soares hatete re-verifikasaun identifika dokumentu kuaze 1.000 la kompletu, kandidatu 118 ho idade liu tinan 24, no kandidatu balun la’ós Timor-oan.
“Ami halo re-verifikasaun ho laran hanesan mate restu ida hakarak buat loos. Ami halo tuir de’it lei,”nia koalia.
Nia hatutan, lei aplika hanesan ba kandidatu hotu, la haree ba origem ka grupu, hodi garante prosesu rekrutamentu justu no transparénte.
Júri mós afirma katak, dokumentu falsu bele lori ba prosesu tuir lei, inklui responsabilidade sivil no kriminál ba ema ne’ebé falsifika.
Molok hahú servisu, ekipa júri halo juramentu ba matebian sira, eroi sira, bandeira nasionál, Konstituisaun no lei.
“Se de’it mak halo sala, nia prontu tenke prosesu kriminál no hasai farda. Ha’u fó ha’u-nia aan tomak ba rai,” nia deklara.
Júri hatete, objetivu prinsipál mak promove meritu, transparénsia, integridade, laiha diskriminasaun no kredibilidade iha prosesu rekrutamentu.
Nia esplika, total kandidatu aumenta hosi 12.874 ba 12.877, depois sekretariadu hetan tan dokumentu balun iha armáriu.
Nia argumenta, faze tuir mai sei uza sistema ezame komputadór eletróniku hosi Komisaun Funsaun Públika (CFP), hodi reduz erru umanu no intervensaun.
“Hau atu dehan katak, ezame sei dura minutu 20 to’o 30, no rezultadu sei sai kedas depois kandidatu remata prosesu ezame,” katak nia.
Nia subilna ,Sekretariadu submete ona rezultadu ba Komandante Jerál PNTL no Ministériu Interiór, no sei publika iha Jornal da Repúblika. Kandidatu sira iha direitu atu halo reklamasaun durante loron lima depois rezultadu publika, tuir mekanizmu ne’ebé determina.
Iha fatin ketak, Julia Rita Pires Kadates foun PNTL Informa, dokumentus neebe sira hatama ho legaliza nee lakon, PNTL la fo dokumentus neebe sira hatama, tanba nee oportunidade atu tuir teste.
“Hau Kadates foun ida neebe la liu,maibe horseik ami mai PNTL, atu konfirma Hau nia diploma asli nee mak hodi Mai hatama, Agora lakon ba neebe sira lahatene, ami haree dokumentus la kompletu, depois sira foti desizaun dehan diploma la asil no la kompletu la tuir teste,” nia afirma.
Entertatu dadus PNTL Foun tinan 2025-2026 depois rekrutamentu Kadete Foun kansela no hahú fali, tanba Governu suspende rekrutamentu PNTL iha Fevereiru 2026 tanba preokupasaun transparénsia no legalidade. PM Xanana Gusmão anula total prosesu 19 Marsu 2026 hafoin protestu husi kandidatu no EUTL. Prosesu agora tenke hahú fali husi inisiu ho rigór liu tan 81c5
Depois 2025-2026 Ministériu Interiór planu rekruta kadete foun 400 to’o 600 iha tinan 2026. Iha Fevereiru 2026 fó sai kandidatu ajente 400 sei tuir teste médiku.
Enkuantu, Ministru Interiór Francisco Guterres kria ekipa juri foun la’ós PNTL deit, maibé inklui ,Polísia Austrália na’in 2, GNR Portugál na’in 2, PNTL na’in 2 (Asistente Komisáriu 1, Superintendente Xefe 1)nomos Komisaun Funsaun Públika sei Teste sei uza sistema dijitalizasaun, eliminatóriu husi teste kulturál ba fíziku 893.
(jen)
