DILI, STLTIMORLESTE.com — Klubu Voleibol Kablaki manan Sahol ho skor 3–0 iha Liga Voleibol Timor-Leste, Segunda Divizaun 2026.
Jogu feminina rua-ne’e realiza iha Kampu Voleibol Ministériu Juventude, Desportu, Arte no Kultura (MJDAK), Sional; Dili, Sábadu, 12 Setembru 2026.
Iha set dahuluk, Kablaki domina jogu liuhusi servis, passing, smess no blok, no manan Sahol ho skor 25–11.
Kablaki kontinua hatudu dominasaun iha set daruak, no manan Sahol ho skor 25–19, hodi aumenta vantagem ba 2–0.
Iha set datoluk, Sahol halo esforsu atu responde, maibé Kablaki kontinua kontrola jogu ho servis, passing, smess no blok.
Kablaki remata set datoluk ho manan boot 25–9, hodi asegura vitoria final ho rezultadu 3–0.
Rezultadu ne’e hatudu dominasaun Kablaki iha partida, enkuantu Sahol tenki simu derrota iha kompetisaun Segunda Divizaun 2026.
(leo)
