DILI, STLTIMORLESTE.com – Prezidente Kamar Dagang dan Industri Indonesia (KADIN) ho Prezidente Kamara Komersiu Timor Leste (CCI-TL) aprezenta MoU Neebe asina ona husi parte rua ba Prezidente Republika, Jose Ramos Horta.
Bainhira remata halo enkontru, Prezidente Kamar Dagang dan Industri Indonesia (KADIN), Mohammad Arsjad Rasjid Prabu Mangkuningrat hatete, mai hasoru Prezidnete Republika hodi aprezenta MoU neebe KADIN no CCI-TL asina ona.
“Ohin mai hasoru Prezidente Republika, Jose Ramos Horta, hodi aprezenta aan no koalia kona-ba MoU neebe KADIN no CCI-TL assina, neebe sai hanesan momentu importante atu hahu halo esforsu sira klean liu entre Timor Leste no Indonezia hodi hametin relasaun entre povu ho povu, Business no Business no Governu ho Governu neebe importante los, tanba bainhira koalia kona-ba ekonomia, koalia mos kona-ba moris sosial” katak Prezidente KADIN nee.
Nunee mos KADIN no CCI-TL lo-loos nee molok assina MoU, antes nee servisu hamutuk ona, espesialmente iha dezenvolvimentu kona-ba foos, iha tempu neeba bainhira CCI-TL partisipa iha atividade ASEAN nian neebe halo iha Labuan Bajo hodi hahu halo servisu hamutuk ba exportasaun foos iha NTT.
Nia dehan, iha pontu importante neebe ohin partilha ho Prezidente Republika José Ramos Horta mak mensajen importante sai hanesan lisaun no imajen Prezidente Republika Indonezia, Prabow Subianto nian neebe fo enfase makaas kona-ba sai vizinhu neebe diak, no kaer metin ba prinsípiu rua importante mak kona-ba Dame no Prosperidade, iha neebe Indonezia hakarak dame nee sai ema hotu nian nunee mos ho prosperidade.
“Ho ida nee, hanesan neebe hateten ona katak empreza husi Indonezia barak ona iha Timor Leste no maioria empreza publiku, no mos iha setor privadu lubuk ida neebe mos iha nee atu kontribui. Ohin ami mos dehan ba Prezidente Republika kona-ba movimentu 08, iha ualu signifika dezenvolvimentu kresimentu ekonomiku no zero atu hatudu ba kompromisu atu hatun kiak too zero. Iha movimentu 08 nee atu fo serteza ida katak kresimentu ekonomiku nee tenke iha justisa no tenke garante katak kiak mos tenke tun ba zero total,” kata nia.
Iha fatin hanesan, Prezidente Kamara Komersiu Timor Leste (CCI-TL), Jorge Serano hatete, ida nee vizita istoriku ida, primeira vez ukun aan, Prezidente KADIN Indonesia ho nia komitiva mai vizita Timor, halo memerandu ida iha nee.
“Portantu hau bele dehan katak, ida nee mai Vizita istorika ida, neebe konfiasa Car Indonezia ba ita, antes nee mos Prezidente KANDI Indonesia lider ASEAN Peace observetion durante Indonezia nia lideransa, sira mak fo konvite ba ita, kamara Komersiu halo parte iha ASEAN Park, durante iha Laboan Bajo, Jakarta, Laos no Malazia,” dehan nia.
(eme)
