DILI, STLTIMORLESTE.com – Komisaun Anti-Korrupsaun (KAK) no Polísia Nasional Timor-Leste (PNTL) asina Memorandu Entendimentu (MoU) hodi hametin kooperasaun kombate korrupsaun.
Komandante Jerál PNTL, Komisáriu Asisténte Polísia Afonso dos Santos hatete, akordu ne’e sei hametin servisu hamutuk entre KAK no PNTL.
“Maibé hau husu dala ida tan ba membru PNTL, iha korupsaun la’ós iha Polísia, maibé mos liur husi Polísia,” hatete Afonso.
Afonso hato’o deklarasaun ne’e iha serimónia asina MoU iha Sentru Formasaun Polísia (CFP), Segunda-feira (21/09/2026).
Nia hatete, Komandu PNTL asina akordu ne’e atu kontinua servisu hamutuk ho KAK hodi fó servisu di’ak ba povu no rai-nia futuru.
“Hau husu ba membru Polísia sira atu hamutuk kombate korrupsaun iha instituisaun PNTL nia laran,” nia ko’alia.
(jen)
