DÍLI, STLTIMORLESTE.com — Klubu Voleibol Liceu 4 de Setembru manan Aitana 3–1 iha Liga Voleibol Timor-Leste, Segunda Divizaun 2026.
Kompetisaun ne’e realiza iha Kampu Voleibol Ministériu Juventude, Desportu, Arte no Kultura (MJDAK), Dili, Sábadu (12/09/2026).
Iha set dahuluk, Liceu 4 de Setembru domina jogu liuhosi servis, passing, smesh no blok, no manan ho rezultadu 25–9.
Aitana hetan oportunidade iha set daruak, depois de hatudu rezisténsia no aumenta intensidade jogu. Aitana manan set ne’e ho rezultadu 28–26.
Set datoluk lao ho intensidade aas, ho ekipa rua troka atake no defende. Liceu 4 de Setembru konsege domina no manan 25–18.
Rezultadu set datoluk halo Liceu 4 de Setembru lidera 2–1, antes tama ba set ikus atu determina rezultadu final.
Iha set dahaat, Liceu 4 de Setembru nafatin kontrola jogu no aproveita oportunidade sira atu aumenta pontu. Ekipa ne’e manan 25–20.
Ho rezultadu set haat, Liceu 4 de Setembru remata partida ho manán 3–1 kontra Aitana.
Jogu ne’e mos hatudu abilidade jogadór sira iha servis, passing, smesh no blok, ne’ebé aumenta qualidade kompetisaun feminina Segunda Divizaun.
Klubu Voleibol Liceu 4 de Setembru Viqueque sai vensedór, depois de supera Aitana iha partida ne’ebé hala’o durante kompetisaun epoka 2026.
(leo)
