DILI, STLTIMORLESTE.com — Klubu Voleibol Matebian manan Klubu Voleibol Aitana ho rezultadu 3–0 iha Liga Voleibol Timor-Leste, Segunda Divizaun 2026.
Kompetisaun ne’e realiza iha Sabadu, 12/09/2026, iha Kampu Voleibol Ministeriu Juventude, Desportu, Arte no Kultura (MJDAC), Dili.
Iha set dahuluk, Matebian domina jogu no manan Aitana ho skor 25–13. Matebian lidera 1–0 no hatudu kontrolu diak iha partida.
Iha set daruak, Matebian kontinua domina jogu ho servis, passing, smesh no blok. Ekipa ne’e manan fali ho skor 25–14.
Tama set datoluk, Aitana aumenta esforsu no hatudu rezisténsia. Maibé Matebian kontinua domina no manan ho skor 25–21.
Ho rezultadu husi set tolu, Matebian manan partida ho skor final 3–0 kontra Aitana iha kompetisaun Segunda Divizaun 2026.
Durante partida, adeptus no apoiantes husi ekipa rua kontinua fó apoiu no hakilar hodi motiva sira-nia ekipa.
(leo)
