DILI, STLTIMORLSTE.com – Servisu Edukasaun Munisipiu (SEM) Ainaro nafatin koko atu rezolve klase paralelu, no dadaun iha klase paralelu hitu (7), ninia aprendizajen lao diak hanesan bai-bain.
“Klase paralelu ita koko atu rezolve, tanba sira nee turma deit, ita koko atu koloka ema atu hanorin iha neeba, tanba ita rezolve uituan,ami iha klase paralelu hitu, nee ativu hela, ninia prosesu ensinu aprendizajen nee lao hanesan bai-bain, klase paralelu nee ba ensinu baziku deit, ninia aprendizajen lao diak hanesan bai-bain,” dehan Diretor Servisu Edukasaun Munisípiu Ainaro, Patricio da Costa Magno ba STL via telefone, Kuarta (22/04/2026).
Diretor SEM Ainaro nee dehan, atividades ensinu aprendizajen iha klase paralelu nee lao hanesan bai-bain, oinsa prezensa estudantes sira nian ba eskola, tanba klase paralelu nee oinsa estudantes sira bele eskola, nee duni nafatin koko rezolve klase paralelu neebe dadaun nee eziste hela iha Munisipiu Ainaro.
Nunee mos, Diretor Servisu Edukasaun Munisípiu Likisa, Julio da Silva dehan, ba EB 2 maibe manorin nee eskola mak jere tanba manorin sira nia karga horariu la too mak halo klase no asesu alunu sira nian.
“Ninia prosesu aprendizajen mak mensiona leten nee, tanba manorin sira ho numeru klase neebe kiik. manorin sira nia karga la too no alunu sira lao ho distansia dok, prejudika alunu sira sempre ba eskola tarde, tanba nee mosu klase paralelu nee, tanba distansia neebe mak dok halo ita nian alunus sira sempre too tarde eskola,” nia dehan.*
(jac)
