DILI, STLTIMORLESTE.com – Komandante 1.ª Brigada Forsas Armadas Austrália halo enkontru kortezia ho Komponente Terestrre F-FDTL.
Liu husi Komunikadu Impresa ne’ebe STL asesu iha media F-FDTL katak, Komandante 1.ª Brigada Forsas Armadas Austrália, Brigadeiru Jenerál Rob Haertsch, ohin vizita Kuartel Jenerál F-FDTL, Fatuhada, Dili.
Iha inkontru kortezia ne’e hala’o ho Komandante Komponente Terestrre, Koronel Operasaun Espesiál Domingos da Costa Soares “DOBU”.
Entretantu Segundo Komandante Komponente Terestrre, Tenente Koronel Abel da Costa Xavier “NIKI”, mós partisipa iha enkontru ne’e.
Enkontru ne’e envolve mós estrutura Komponente Terestrre, ho objetivu atu hametin relasaun amizade no kooperasaun entre F-FDTL no ADF.Kooperasaun ne’e liu-liu fó atensaun ba área Komponente Terestrre, inklui operasaun no atividade defeza iha rai maran.
Enkontru ne’e mós sai oportunidade atu kontinua hametin relasaun profisionál no kooperasaun entre F-FDTL no Forsas Defeza Austrália.
(jen)
