DILI, STLTIMORLESTE – Komando FALINTIL – Forsa Defeza Timor Leste (F-FDTL) selebra loron aniversariu ba dala XXIV, ho tema “Aprender para saber-saber para kumprir aprender para saber-saber não ocupa lugar CICNIL, disiplina disiplina, disiplina, disiplina agima de todo.
Xhefe Gabinete, Estadu Maior General das F-FDTL, Koronel Marcelino Ximenes “Rizai” hatete, selebra loron Instutisaun Militar nia hanesan sononimo ba inovasaun no moris naruk. Ho aniversáriu Sentru Instrusaun Komandante Nicolau Lobato ba dala XXIV, sentru ida nee sei sai razaun sufisente atu halibur militar no ofisial sira hotu.
“Ita senti orgulhu ho istoria ho formasaun nivel aas neebe fornese ona iha nee durante ezistensia, hau koalia iha fatin barak ona, no hau apelu beibeik katak, asuntu hotu-hotu iha espasu militar nian iha laran no iha liur, tenke sai ezemplu kona-ba justisa, onra no dedikasaun ba patria no ba povu mak define identidade militar profisional,” hatete reprezentante husi Koronel Marcelino liu diskursu iha CICNIL Metinaro, Kuarta (19/02/2025).
Nia tenik, iha CICNIL mak fatin forma jerasaun foun sira atu kompromete aan valor FALINTIL mak erdeiru no guarda ba tradisaun nobre sira hodi sai mata dalan.
“Selebra tan tinan ezistensia sentru ida nee lori hodi refleta no halo balansu ba CICNIL ninia kapasidade hafoun aan atu hatan ba dezafiu sira tempu ohin loron nian. Atu estuda no komprede, inova no lao hamutuk ho nesisidade foun no interese vital sira forsa armada nian, ida nee nunka haluha istoria husi FALINTIL husik hela mai ita,” dehan nia.
Nia hatutan, istoria CICNIL nee hakerek ona dekada rua nia laran, ida nee sei kontinua ba tinan barak tan, relevansia husi saida mak hanorin iha nee sei la kestionavel, maske iha area teknolojia.
Iha fatin hanesan, Komandante Sentru Instrusaun Komandante Nicolau Lobato,Tenente Koronel Eugénio Guterres “TOFA” esplika, ohin loron 19 Fevereiru tinan 2025 hasoru malu fila-fali iha CICNIL ba dala 24.
“Iha ita nia selebrasaun aniversariu Sentru Instrusaun Komandante Nicolau Lobato, iha ambitu ida neebe difirente oituan, bazeia ba ita nia kondisaun,” nia deklara.
(jen)
