DILI, STLTIMORLESTE.com – Komando Polisia Nasionál Timor Leste (PNTL) liu husi Gabinete Operasaun Relasaun Intenasional partisipa iha enkontru Vertual ASEAN Polisia day hamutuk nasaun 11, atu hametin kooperasaun Polísia ASEAN-Nasoens Unidas iha kolaborasaun rejionál iha area manutensaun paz, treinamentu no preparasaun ba destakamentu.
Liu husi Gabinete Operasaun relasaun Intenasional neebe lidera husi Superintendente Polisia Agosto Tilman hamutuk ofisiais sub- Alternu PNTL sira partisipa iha enkontru Vertual Asean Polisia day hamutuk nasaun 11 atu hametin kooperasaun Polísia ASEAN-Nasoens Unidas iha kolaborasaun rejionál iha área manutensaun paz, treinamentu, no preparasaun ba destakamentu.
“Objetivu husi enkontru virtual loron ohin nian nee ita atu hametin kooperasaun Polísia ASEAN-Nasoens Unidas neebe organiza hosi Polísia Nasionál Filipinas (PNP) fornese plataforma importante ida atu hametin kolaborasaun rejionál iha área manutensaun paz, treinamentu no preparasaun ba destakamentu,” hatete Gabinete Operasaun relasaun Intenasional neebe lidera husi Superintendente Polisia Agosto Tilman liu husi nia deskursu ba Jornalista sira iha Komando Jeral PNTL Dili, Kinta (30/04/2026).
Nia dehan, halibur reprezentante sira husi Divizaun Polísia Nasoens Unidas no nasaun kontribuidora polísia iha ASEAN, inklui Filipinas, Tailándia, Malázia, Indonézia no Timor Leste. Halo diskusaun hodi subliña kompromisu hamutuk atu hasae padraun profesional polísia, interoperabilidade, no resposta kolektiva ba dezafiu seguransa neebe evolui iha rejiaun.
Nia deklara, foku prinsipál husi diskusaun sira mak papél estratéjiku polisiamentu Nasoens Unidas iha manutensaun paz no estabilidade, liu-liu iha ambiente neebe kompleksu no transnasional. Nasoens Unidas salienta importánsia kuadru treinamentu padronizadu hanesan SGF no CPTM, nunee mos nesesidade atu responde ba dezafiu operasionál sira hanesan lakuna iha destakamentu, limitasaun orsamentál, no adaptasaun ba teknolojia.
Iha aprezentasuan sira mos reafirma valor inkluzaun jéneru, polisiamentu orientadu ba komunidade, no dezenvolvimentu kapasidade hanesan koluna prinsipal sira ba operasaun manutensaun paz neebe efikaz.
Entretantu durante enkontru husi perspetiva ASEAN, nasaun partisipante sira aprezenta sira nia kontribuisaun no kapasidade treinamentu, neebe hatudu lideransa forte iha rejiaun iha area manutensaun paz. Inisiativa sira hanesan programa Training-of-Trainers (ToT), treinamentu espesífiku ba misaun, no preparasaun lian estranjeira sai hanesan prátika diak atu hasae prontidaun ba destakamentu. Instituisaun hanesan Sentru Treinamentu Misaun Internasionál Indonézia no lideransa Filipinas iha organizasaun treinamentu rejionál konsideradu hanesan rekursu importante ba kooperasaun ASEAN.
Alende nee ba Polísia Nasionál Timor Leste (PNTL), enkontru nee iha importansia boot atu hametin partisipasaun iha esforsu manutensaun paz internasional, tanba nee delegasaun PNTL iha enkontru nee lideradu husi Xefe Kooperasaun no Relasaun Internasionál, Superintendente Polísia Augusto Tilman da Costa, ho partisipasaun hosi reprezentante sira UNPOL veteranu husi PNTL.Tanba nee partisipasaun foin lalais neebe halo iha programa ToT iha Indonézia no espresa interese forte atu partisipa iha treinamentu sira iha futuru.
Depois iha diskusaun sira mos destaka importánsia atu mellora mekanismu feedback ba pesoál neebe destaka ona, no hametin preparasaun antes destakamentu. Tanba nee enkontru ohin reafirma kompromisu PNTL atu kontribui ba misaun Nasoens Unidas no aprofunda nia papel iha kuadru kooperasaun polísia ASEAN.
(jen)
