DILI, STLTIMORLESTE.com – Komandante Jeral (KomJer ) Polisia Nasional Timor Leste ( PNTL), Komisariu Jeral Polísia Henrique da Costa orienta atual Komandante Munisipiu Baukau Superintendente Xefe Polisia, Antonio Maria de Sá atu kria relasaun no komunikasaun diak ho parte hotu iha Munisipiu Baukau.
Tanba tuir nia, nomeasaun no rotasaun iha servisu Polisia Nasional Timor Leste nian nee baibain ona, nunee Komandante Baukau sesante Antônino Mauluta muda fali mai Quartel Jeral hodi asumi fali knaar nuudar Komandante Unidade Apoiu Servisu no Komandante Apoiu Servisu Sesante, Antônio Maria de Sá muda fali ba Komandante PNTL Munisipiu Baukau.
“Buat neebe mak ita husu Komandante Baukau mak atu hadia diak liu tan relasaun, komunikasaun ho autoridade lokal sira hahu husi Prezidente autoridade, Administrador Postu, Xefe Suku Organizasaun nasional no internasional Igreja, juventude no kamadas hotu iha Munisipiu nian, hodi nunee hasae liu tan medida prevensaun krime nian atividades Polisiamentu Komunitaria nian,” dehan Komisariu Jeral Polísia, Henrique ba jornalista sira, hafoin foo Pose ba Komandante Atual Munisipiu Baucau, iha Quartel Jeral PNTL, Kaikoli, Dili, Tersa (05/11/2024).
Maibe nia dehan, iha Baukau problema sempre mosu liu-liu ataka malu grupu sira joven sira neebe mak mai ho sira nia pasadu treinu iha fatin ida ba ataka fali fatin ida, entaun ida nee sai hela hanesan trabalhu de Casa ida ba Komando Munisipiu foun ba buka meius oinsa para mantem komunikasaun ho autoridade lokal sira iha neeba halo mos koordenasaun ho Unidade Espesial Polisia neebe mak destakadu iha Baucau.
(mar)
