DILI, STLTIMORLESTE.com – Komunidade Musulmanu rihun ba rihun halibur malu iha Meskita Annur Dili selebra loron Idul Adha 1447 Hijrah, hodi halao orasaun ka Sholat ID (Ied) iha ambitu paz no dame nia laran.
Iha loron Kuarta (27/5/2026) hahu husi tuku 06.00 dadersan, oras Timor Leste, komunidade muslimanu kompostu husi labarik, joven, ferik no katuas ho hatais ropa rapidu nadodon mai Meskita Annur Dili atu selebra loron Idul Adha 1447 Hijrah neebe komunidade muslimanu iha mundu selebra.
Komunidade Musulmanu iha Dili selebra loron nee ho Sholat ID (Ied) iha situasaun hakmatek no dame nia laran no hetan siguransa masimu husi Polisia Nasional Timor Lorosae (PNTL).
Prezidente Konselhu Nasional Islamika Timor Leste, H. Mohammad Affandi Branco ba jornalista sira hateten, signifikadu prinsipál hosi selebrasaun Idul Adha 1447 Hijrah mak forma ida hosi obediénsia, sinseridade, no mós forma ida hosi solidariedade no preokupasaun sosiál liu husi adorasaun sakrifísiu nian.
“Momentu ida ne’e mos hanesan reflesaun ida atu emula istoria firmeza Profeta Ibrahim no Profeta Ismail maka prontu atu halao orden hosi Allah SWT hodi sakrifika nia oan-mane, no mós vontade hosi Profeta Ismail AS atu simu dekretu,” dehan Mohammad Affandi Branco ba jornalista sira iha resinto Meskita Annur Dili, Kuarta (27/5/2026).
Nia mos dehan, preokupasaun sosial nian mak adorasaun ba oho animál sakrifísiu nian hanorin ema musulmanu sira atu fahe sustentasaun no ksolok ho ema seluk neebé presiza.
“Ida-nee signifika katak ema musulmanu hotu-hotu hetan konvite atu halakon ego, luxúria, no domin neebé maka’as ba mundu atu bele hakbesik ba Allah SWT. Ema neebe iha kbiit ba Meka, Arabia Saudita,” nia dehan.
Idul Adha iha Meka, Arábia Saudita, tinan ida-ne’e monu iha loron-kuarta, 27 Maiu 2026, koinside ho pontu aas liu hosi époka Hajj nian. Okaziaun ida-ne’e marka ho wuquf (hamriik metin) iha Arafah iha loron 26 fulan-Maiu, tuda jumrah ho fatuk iha Mina, no tradisaun festivál oho animál sakrifísiu sira iha rejiaun tomak.
Nunee mos komunidade Muslimanu, Sity Aisyah neebe partisipa iha selebrasaun loron Idul Adha 1447 Hijrah iha Meskita Annur Dili hato’o ninia sentimentu kontenti tanba maski komunidade muslumanu iha Timor Leste minoria, maibe bele selebra loron importante muslumanu nian nee ho hakmatek no dame nia laran.
“Hau sidadaun Indonezia, kaben ho mane husi Lospalos, tinan-tinan hau selebra loron Idul Adha nee ho situasaun neebe hakmatek no dame nia laran. Sidadaun Indonezia neebe hela iha Timor barak mak la fila ba Indonezia selebra loron Idul Adha, maibe sira hakarak selebra deit iha Timor Leste,” katak Sity Aisyah.
Nia hato’o agradese ba Governu no povu Timor Leste neebe respeita tebes loron boot sira Muslimanu nian, maski minoria maibe iha toleransia neebe ass tebes entre komunidade muslumanu no povu Timor Leste neebe maioria relijiaun katolika.
(mik)
