DILI, STLTIMORLESTE.com – Komando Polisia Nasional Timor Leste (PNTL) Munisipiu Dili deklara, konfrontu iha Kampung Baru entre Ekipa Jestaun Merkadu ho vendedores sira foin lalais nee, Polisia la tiru negosiante maibe Polisia tiru teus hodi neutraliza situasaun.
Tuir Komandante PNTL Munisipiu Dili, Superintendente Xefe Polisia Orlando Gomes katak, konfrontu neebe mak mosu iha Kampung Baru entre ekipa Jestaun Merkadu no mos vendedores ambulante sira, Polisia apoiu seguransa ba Jestaun Merkadu hodi ba haree mini merkadu Kampung Baru.
“Depois mosu konfrontasaun nee ita nia membru tiru teus ba leten para atu normaliza situasaun nee, atu evita labele mosu konfrontu entre negosiante sira ho jestaun merkadu deskontroladu, Polisia foti medidas tiru teus ba leten hodi neutraliza tiha situasaun nee para bele lao normal hanesan baibain,” dehan Orlando ba jornalista sira iha Eskuadra Dom Aleixo, Komoro, Dili, Segunda (28/10/2024).
Maibe nia dehan, iha video mos viral katak membru nee tiru ba leten, kuandu vitima deklara katak kilat musan mak kona, iha prosesu investigasaun mak foin hatene.
Tanba membru PNTL refere bolu hodi presta deklarasaun, atu hatoo relatoriu ba Komando.
(mar)
