DILI, STLTIMORLESTE.com – Diretor Eskola Sekundariu Nobel da Paz, Jeremias Pinto de Jesus hatete, konstrusaun edifisiu Eskola Sekundariu Nobel da Paz besik finaliza ona, atu nunee estudante sira bele utiliza ba aprendizajen.
“Ami nian konstrusaun edifisiu andar rua nee, agora iha okos nee ami nian estudantes sira uza daudaun ona, maibe andar leten nee sei revoka hela husi laran, nee duni iha tempu badak nia laran sei finaliza ona konstrusaun ida nee, tanba revoka hotu sei nahe tan, nee duni besik finaliza ona, sei monta odamatan para hein entrega deit ona, maibe ida klaran ninia nee ami sei haree ba iha orsamentu, depois mak sei halo fila fali,” dehan Jeremias ba STL iha nia knaar fatin, Segunda nee (03/02/2025).
Nia hatutan, ida iha klaran nee bainhira osan tinan nee tama mak sira sei halo tan, sala 12 mak agora daudaun atu finaliza ona ninia konstrusaun nee, andar okos sala 6 no andar leten sala 6 mak hamutuk sala 12, haris fatin iha laran, maibe tanba okupa fatin, entaun agora provizoriu haris fatin sei iha liur.
Entretantu Leonito Nunes Martins, hanesan estudante hatete, edifisiu foun nee agora daudaun sira uza ona ba ensinu aprendizajen, neebe ho konstrusaun nee sala de aula mos aumenta, tanba edifisiu foun nee andar ho sala 12.
(jac)