DILI, STLTIMORLESTE.com – Kualidade edukasaun atu lao diak, prepara rekursu umanu no fasilidade eskola neebe adekuadu.
Lia hirak nee hatoo husi Vise Dekanu Asuntu Akademika Fakuldade Edukasaun Hunanidade UNTL, Venancio Lopes ba STL iha Kampus UNTL, Segunda (10/8/2026).
“Kualidade edukasaun atu lao diak prepara rekursu umanu neebe kualidade, rekursu atu prepara nee oinsa sira neebé mak hanorin ona sira nia nivel edukasaun uluk sei uza profesores sira mai husi Indonezia, SPG hanesan level ida karik hanesan ensinu sekundariu tenke profisional nee mak hanorin.
Saida mak bele halo, kria formasaun ba sira atu eleva sira nia kapasidade hanorin nian, tanba formasaun nee importante tebes.
Nia dehan, kuandu formasaun laiha oinsa eleva kualidade, nee susar, segundu tenke haree fasilidade iha eskola falta saida, iha area rurais kria disiplina balun teknolojia multi mediu iha baze neeba internet laiha tenke kria buat hirak nee, saida mak halo tenke iha rekursu umanu neebe mak iha duni area nee bele fahe esperiensia balun, ho ida nee deit eleva kualidade edukasaun.
Nia dehan, koalia konaba edukasaun enjeral hanoin lao, maibe kondisaun ba neebé haree iha buat barak neebe presiza halo kompleta diak liu tan, por ezemplu haree fasilidade neebe iha eskola sira presiza halo kompleta, maske nasaun foun, maibe bele dehan nasaun joven ona, tanba tinan 20 resin.
“Presiza kompleta ita nia fasilidade sira neebe suporta kualidade edukasaun bele lao diak, enjeral ita liga eskola sira neebé area rurais neeba, dala ruma profesores sira mos laiha ida, neebe presiza halo kompleta kuandu, profesores laiha ulun moras, laos dehan lao maibe lao ona sei menus demais.
Tanba edukasaun halai ba kualidade edukasaun, kualidade hanorin atu atinji fasilidade neebe iha neeba rekursu umanu tenke iha.
Nia haktuir, iha sidade los ona, maibe liga ba area rurais falta tebes rekursu umanu menus tebes, fasilidade liga ba livru menus tebes iha eskola.
Eskola iha area rurais nee filial sentral barak maibe profesores atu fahe mos dala ruma la too, no area rurais nee profesores nain rua bele hanorin hahu husi primeiru too iha sestu ano, ida nee susar la halimar atu sukar nia kualidade nee difisil.
Tanba governu tenke halo levantamentu dadus halo analiza klean liu halo estudu atu identifika, nunee edukasaun lao diak.
Sujere ba iha instituisaun relevante atu bele haree kestaun ida nee, atu lori edukasaun sai diak liu tan ba futuru mai.
(dom)
