DILI, STLTIMORLESTE.com – Tenente Jeneral Reformado Lere Anan Timur hatete, laiha Xanana Gusmão Timor la ukun aan no Xanana la konfia nia alin luta nain sira mos Timor la manan funu.
Asesor Prinsipal Prezidensial Republika, Tenente Jeneral Refomado Lere Anan Timur hatoo kestaun nee liu husi diskursu iha Seminariu Nasional neebe halao iha Salaun UNPAZ, Sesta (29/05/2026) hatete, laiha Xanana Timor la ukun aan no Xanana la konfia nia alin luta nain no povu Timor la manan funu.
“Babain hau dehan katak Xanana laiha ita la ukun aan, babain imi rona, maibe hau mos dehan Xanana la konfia nia alin sira mos ita la manan funu, povu la halo funu la partisipa funu karik mos ita la manan funu, tanba nee mak babain ita dehan katak povu mak eroi, ami sira neebe mak moris liu liu hau laos heroi ida maibe hau mos laos tauk ten, hau brani se hau la brani karik indonezia mos la koinese hau, tanba sira dehan katak rona naran ida lere nee mos sira mos hakiduk tanba nee hau laos heroi maibe hau brani hanesan maluk sira seluk neebe ohin loron sei moris,” dehan Jeneral Reformado Lere.
Nia hatete sira neebe mate ona mos brani no sira mak heroi duni, no sira heroi tanba fakar fan ba rai ida nee ohin loron lahamutuk ho povu iha rai ida nee.
“Hanesan dehan Xanana laiha ita la ukun aan maibe nia la komfia nia alin sira mos difisil ukun aan povu la halo funu mos difisil ukun aan maibe Samea atu lao tenke iha ulun, ulun laiha isin lolon deit labele dolar tanba nee mak razaun hau dehan katak nia mak uluk, nia mak diresaun nia mak komanda, ohin loron funu hotu ona buat hotu fasil maibe uluk iha funu laran difisil,” dehan nia.
Iha biban nee Tenente Jeneral Reformado Lere Anan Timur hatete, Konferensia Nasional Maubai neebe halao iha tempu luta hanesan pilar determinante ba independensia Timor-Leste. Se laiha konferensia nee, nasaun nee susar atu hetan nia ukun rasik aan.
Lere Anan Timur, afirma katak Konferensia Nasional Maubai neebe halao iha tempu luta nian, sai hanesan pilar determinante ida ba independensia Timor-Leste. Se laiha konferensia nee, nasaun nee susar atu hetan nia ukun rasik aan.
(eme)
