DILI, STLTIMORLESTE.com – Tristeza boot falun povu Timor-Leste (TL), tanba lakon Saudozu Francisco Guterres Lu-Olo, tanba nee Governu deside durante loron hitu (7) nia laran tenke silensiu tanba lutu metan ba povu Timor Leste.
Observasaun iha sala Emerjensia iha Hospital Nasional Guido Valadares (HNGV), maske Timor Leste lutu metan tan lakon Eis Prezidente Republika Fransisco Guterres Lu-Olo, maibe atendimentu ba saude kontinua lao hanesan baibain.
Mediku no parteira sira kontinua fo atendimentu ba pasiente sira neebe baixa iha sala Emerjensia HNGV no baixa iha Sala Bedah laki no beda wanita inklui mos materidade.
Iha fatin hanesan, Mediku Espesialista iha HNGV lakohi temi naran hatete, TL simu novidades triste iha loron Domingu, katak Saudozu Francisco Guterres Lu-Olo iis laiha ona iha Hospital Malázia.
“Ita sente triste tebe-tebes tanba lakon aman ida, tanba nee ita nia nasaun lutu metan, maibe ita sempre iha vontade hodi servi nafatin ita nia pasiente iha sala Emerjensia no sala sira seluk, tanba pasiente persiza ita nia atendimentu,” hatete Mediku Espesialista iha HNGV, fontes konformadu ba jornalista sira iha Sala Emerjensia HNGV, Kuarta (23/06/2026).
Nia informa, atendimentu iha emerjensia lao normal hanesan baibain, pasiente mai uluk konsulta iha nee, depois kondisaun grave haruka baixa iha nee 30 menit depois haruka ba baixa iha laran, sei pasiente mai ho konsulta mak nia kondisaun la grave fo atendimentu hotu fo aimoruk haruka ba deskansa iha uma.
“Ita fo atendimentu ba pasiente ho fuan ho laran, tanba pasiente iha mak Pesoal Saúde iha, kuandu pasiente mai ho kondisaun neebe grave ita atende uluk ida nee depois mak atende fali ida neebe sei kondisaun diak oituan,” nia esplika.
Nunee mos pasiente Juliana Pires informa , atendimentu iha sala emerjensia lao normal, maske nasaun Timor Leste hafalun matan-been, tanba lakon Saudozu Francisco Guterres Lu-Olo neebe husik povu no nasaun.
“Sente triste tanba lakon aman ida neebe simples no uluk luta nain ohin loron ita hetan ukun rasik aan nee ho gratuita, maibe ita sira sei moris kontinua halo tratamentu saude, tanba nee maske ita tutur hela lutu metan maibe atendimentu iha Sentru Saude no HNGV nunka mais para,” nia afirma.
(jen)
