DILI, STLTIMORLESTE.com – Matebian Ajente Prinsipal Polisia, Engracia Purificação, daudaun nee autopsia ona iha Sala Mortuariu Hospital Nasional Guido Valadares (HNGV).
Nia dehan, mate isin daudaun nee iha sala Mortuariu deside hodi kalan kedas, ohin dadersan seidauk bele autopsia tanba karta pedidu husi forensik.
“Maibe agora loraik nee hahu Autopsia ona no ita sei entrega kedas ba familia no Institutusaun PNTL,” hatete Xefe Mortoariu Hospital Nasional Guido Valadares (HNGV), Nilton Tilman ba STL liu husi telefone iha sala Mortuariu HNGV, Kinta (25/06/2026).
Nia tenik, matebain hodi kalan iha sala Emerjensia depois lori fali mai iha sala Mortuariu atu halo prosesu autopsia, tanba dekonfia oho aan.
Iha fatin hanesan, Funsionariu iha Sala Mortuariu HNGV lakohi temi naran informa, mate isin feto ida mak Forensik lori mai hodi kalan no ohin halo autopsia hotu entrega ba familia no Institutusaun PNTL.
“Sim hodi kalan lori mai no ohin dadersan atu autopsia mak seidauk, tanba ami sei hein pedidu husi Forensik, maibe ohin meudia nee sira lori ona karta mai no ekipa sei halo autopsia depois ita entre ba famlia no Institutusaun PNTL, tanba tuir informasaun matebian Membru PNTL,” nia afirma.
(jen)
