DÍLI, STLTIMORLESTE.com — Matebian manan Daçuate 3-2 iha Liga Voleibol Timor-Leste, Segunda Divizaun Époka 2026.
Partida ne’e realiza iha 19/08/2026, iha kampo voleibol Ministériu Juventude, Desportu, Arte no Kultura (MJDAC), Dili.
Iha set primeiru, Matebian hahú ho jogu forte no konsege organiza defeza ho di’ak. Ekipa ne’e manan 25-20, hodi lidera 1-0.
Daçuate responde iha set segundu ho intensidade aas iha defeza no atake. Ekipa ne’e manan 25-23, hodi empate rezultadu sai 1-1.
Iha set terseiru, Matebian kontinua hatudu defeza metin no atake efetivu. Ekipa ne’e manan set ho pontu 25-19, hodi lidera 2-1.
Daçuate la desiste no halo resposta iha set kuartu. Ho konsentrasaun aas, Daçuate manan 25-15, hodi empate rezultadu sai 2-2.
Iha set dalima, ekipa rua luta pontu ba pontu atu determina vensedór. Matebian mantén konsentrasaun no manan ho pontu 15-8.
Ho rezultadu final 3-2, Matebian sai vensedór hasoru Daçuate iha kompetisaun Liga Voleibol Timor-Leste Segunda Divizaun Époka 2026.
Durante partida, apoiantes sira kontinua fó animasaun ba jogador. Ambiente iha pavilhaun MJDAC sai moris ho atmosfera desportiva no kompetitivu.
(leo)
