DILI, STLTIMORLESTE.com – Ministériu Defeza (MD) hamutuk ho Embaixada Nova Zelândia asina akordu ba iha area defeza nian.
“Ohin ami mai hamutuk para atu bele asina akordu ba suntu defeza nian entre Timor Leste ho Embaixada Nova Zelândia,” hatete Ministru Defeza (MD) Kontra Almirante Donaciano do Rosário da Costa Gomes ‘Pedro Klamar Fuik’, ba jornalista sira iha Ministeriu Defeza (MD) Fatuhda Dili, Kinta (11/06/2026).
Nia dehan, Ministru Defeza ho Ministru Defeza Nova Zelandia, Chris Penk asina ona akordu ida nee, akordu ida nee estabelese entre Nova Zelandia ho Timor Leste para bele halo atividades hotu-hotu neebe mak relasiona dezenvolvemntu forsa apoiu iha area formasun, terenu, apoiu area hotu-hotu neebe TL presiza para atu dezenvolve forsa armada TL nian atu bele fo kapasidade ba dezenvolvementu Forsa Armada TL nian, nunee apoiu sira neebe Nova Zelandia fo uluk ate agora.
“Ita boot sira hotu hatene katak, Nova Zelandia sai parseiru diak ida ba TL iha tinan 1999, parseiru ida neebe muito amigavel muito konfiansa no kontribui ba ita nia dezenvolvimentu, kontribui mos ba seguransa rejonal no seguransa iha fatin hotu-hotu, nunee mak ita haree katak, Nova Zelandia importante ba estabelese kooperasaun ho ita,” nia deklara.
Iha fatin hanesan, Embaixadora Nova Zelândia, Helen Tunnah informa, Nova Zelandia sente kontente tebes, tanba bele asina akordu ida nee ho Timor Leste. Tanba Nova Zelandia uluk mai servisu iha Timor Leste iha 1999.
“Too agora ami sei nafatin asesu tenkiku sira neebe servisu iha nee, dokumentu ida sei premite ami kolaborasaun atu klean liu aan, hodi apoiu, tanba nasaun rua nee konkorda tiha ona,” nia afirma.
(jen)
