DILI, STLTIMORLESTE.com – Ministra Edukasaun (ME), Dulce de Jesus Soares halo enkontru ho reprezentante no Diretora ba Programa Mundial Ai-han (WFP) iha Timor Leste, neebe foin simu kargu iha 20 Setembru 2024. Nia foti knaar husi Alba Cecilia Garzon Olivarez hodi lidera operasaun WFP nian neebe foka ba seguransa ai-han, nutrisaun no hametin sistema protesaun sosial iha nasaun laran.
Tuir informasaun husi pajina ME neebe STL asesu Kinta (07/05/2026), nkontru refere halao iha loron Kuarta (06/05/2026), iha sala VIP Ministeriu Edukasaun Vila-Verde.
Iha kooperasaun nee WFP fo apoiu ba Programa Merenda Eskolár, hametin programa nasional nee liuhusi asistensia teknika, parseria, no dezenvolvimentu estratejia foun hanesan rice fortification (enrike simentu foos ho nutrisaun) hodi hadia saude no kbiit aprende estudante sira-nian. Apoiu Infraestrutura Eskola, parseria nee mos inklui harii kuzina neebe seguru no dignu iha eskola sira atu garante ai-han neebe hamoos no iha nutrisaun ba labarik sira.
Merenda Eskolar husi Produtu Lokal (Home-Grown School Feeding), WFP servisu hamutuk ho Ministeriu Edukasaun, Ministeriu Agrikultura, no Administrasaun Estatal atu sosa ai-han husi agrikultor lokal sira hodi fo ba eskola, neebe ajuda mos ekonomia lokal no nutrisaun estudante sira-nian.Projetu INSPIRE, hamutuk ho UNICEF no ILO, WFP servisu ho Ministeriu Edukasaun atu hametin inkluzaun sosial no nutrisaun liuhusi sistema saude eskolar neebe diak liutan.
Entretantu iha sorin seluk Xefe Koordenador EBF 12 de Outobru, Fernando Bareto dehan, aihahan ba merenda eskolar neebe tein bá estudante sira iha eskola nee uza deit hahan lokal nian, la uza hahan exportasaun hanesan ayam potong no sosis.
Tuir nia, ai-haan neebe tein bá estudante sira mak naan karau hodi halo bifi no daan ho koto kahur ho modo tahan, no foremungu ho susu been. Hahan sira nee tuir orariu, neebe hahan exportasaun la tama iha lista merenda eskolar eskola ida nee nian.
(dom)
