DILI, STLTIMORLESTE.com – Ministra Edukasaun (ME), Dulce de Jesus Soares akompanha ekipa pedagojika aprezenta rezultadu teste Early Grade Reading Assessment (EGRA) no Early Grade Mathematics Assessment (EGMA) neebe ekipa sira halo teste ba estudante sira iha Munisipiu Lautem, iha loron 14 de Junhu tinan nee.
Liu husi media ME neebe STL asesu Segunda nee (15/06/2026), Ministra Dulce de Jesus Soares hatete, teste ida nee ekipa pedagojika sira halo ba estudante sira iha klase 1⁰ no 2⁰ hodi sura sira-nia konesimentu iha lee no hakerek nian.
Tuir Governante nee, haree ba rezultadu neebe ohin aprezenta maka orienta hikas ekipa pedagojika atu halo teste fila fali ba estudante sira-nee iha Novembru no Dezembru.
Liu husi teste nee hodi haree progresu sira neebe ita nia estudante sira atinji hodi kompara ho rezultadu neebe iha ona, dehan nia.
Nia hatutan, nunee iha aprezentasaun rezultadu teste EGRA no EGMA husi estudante sira nee hetan partisipasaun masima husi Sekretária Munisípal ba Asuntu Sosiais, Diretur no koordenador sira hotu iha Munisipiu Lautem.
(dom)
