DILI, STLTIMORLESTE.com – Membru FALINTIL-Forsa Defeza Timor-Leste (F-FDTL) na’in-6 kompleta kursu Mekánika Automotiva iha MGR Solution Training Center, atu hasa’e kapasidade téknika manutensaun no reparasaun veíkulu militar.
Liu husi Komunikadu Impresa ne’ebe STL asesu iha media F-FDTL katak,Iha Kuartél Jenerál Fatuhada, kuarta-feira, 14 Outubru 2026, Komandu F-FDTL taka ofisialmente kursu no entrega sertifikadu ba membru ne’ebé kompleta formasaun.
Serimónia ne’e lidera husi Adjuntu Xefe Estadu Maior F-FDTL, Koronel Tirosinado Mario Baptista “Bersama”, hamutuk ho reprezentante Divizaun Pesoal, unidade no komponente sira.
Iha nia intervensaun, Koronel “Bersama” hato’o agradesimentu ba MGR Solution Training Center tanba parseria no apoiu ba dezenvolvimentu kapasidade téknika militar sira.
(jen)
