DILI, STLTIMORLESTE.com – Ministeriu Finansas (MF) aktualiza prosesu Timor Leste (TL) adere ba Association of Southeast Asian Nations (ASEAN) tinan 2025.
Aktualiza prosesu nee, iha reuniaun Konselhu Ministru (KM), Kuarta nee (04/12/2024), iha Palasiu Governu.
Visi Ministra ba Asuntus ASEAN, Milena Maria da Costa Rangel aprezenta ba Konselhu Ministrus atualizasaun kona-ba prosesu adezaun Timor Leste nuudar membru plenu ba Asosiasaun Nasoins Sudeste Aziátiku (ASEAN), neebé nia konkretizasaun preve ona ba tinan oin mai”, aktualiza Visi MF Milena.
Iha Parte seluk, Konselhu Ministrus delibera hodi fó naran ba ponte foun Komoro Mota Ulun (Casnafar) ho naran Kofi Annan, Eis Sekretáriu-Jerál Nasoens Unidas.
Laos nee deit, maibe KM aprova indikasaun ba naran sira neebé sei nomeia husi Ministru Transportes no Komunikasoins, Miguel Marques Gonçalves Manetelu, ba Konselhu Administrasaun Autoridade Nasionál Komunikasoins (ANC – portugés) nian.
Flavio Cardoso Neves sei hetan nomeasaun nuudar Prezidente Konselhu Administrasaun. Novelino dos Santos no Georgina Emilia da Silva Garcia idak-idak sei asumi kargu hanesan Administradór Tékniku no Finanseiru respetivamente. Roberto Manuel da Costa Martins no José Ave Maria Ximenes Cipriano Gonçalves sei hetan nomeasaun nuudar Administradór Naun-Ezekutivu.
(gui)
