DILI, STLTIMORLESTE.com – Ministeriu Interior (MI) nia programa prioridade mak kontinua prioriza ba infraestrutura polísiál ba tinan 2027.
“Infraestrutura nee orsida tama ona iha programa, prioridade nee kestaun boot neebe ita presiza tau, tanba nee mak ita sei define iha nee. Maibe kestaun ida kona ba programa nee barak ita sei halo infraestrutura, jestaun kontrola krime patrulhamentu, buat sira nee ita bolu programa neebe ita sei halo, maibe prioridade nee ami tenke define didiak para aserta kona ho programa neebe ami halo iha 2027”, hatete Ministru Interior (MI), Francisco da Costa Guterres ba jornalista sira iha MI, Kinta (18/06/2026).
Nia dehan, hahu ohin Ministeriu Interiór, Komando Jerál inklui institusaun neebe tutela MI hahu diskute programa prioridade sira nee no iha Sesta (19/6/2026) aban sei konklui hodi submete ba Ministeriu Finansas (MF).
“Ohin nee runiaun Konselhu Konsultivu, Konselhu Konsultivu nee tuir lei karik ami reuniaun nee regular karik iha. Kada tinan ida dala ida ou tinan ida dala rua nee depende ba nesesidade aserta ami nia servisu, aserta ami nia prioridade aserta hodi rezolve prioridade ba futuru,” nia esplika.
Entretantu iha enkotru nee marka prezensa mos Komandante Jerál Polisia Nasionál Timor Leste (PNTL) Komissária Assistente Polisia Natércia Eufrasia Martins no Superintendente Xefe Polísia Ismael Babo inklui mos funsionariu Ministeriu Interior sira.
(jen)
